O‘zbekistonda 2022-yilning yanvar—oktabr oylarida xorijga meva va sabzavotlar eksport qilgan hududlar ma’lum qilindi. Bu haqda Davlat statistika qo‘mitasi xabar bermoqda.
Qayd etilishicha, Farg‘ona viloyati o‘n oyda chet elga meva va sabzavotlar sotish bo‘yicha yetakchi bo‘lgan — 261,1 ming tonna.
Toshkent viloyati 184,7 ming tonnalik mahsulotlar eksport qilgan va o‘tgan oyga nisbatan Samarqandni ortda qoldirib ikkinchi bo‘lgan. Samarqand viloyati esa yil boshidan beri 162,2 ming tonna meva va sabzavotlar eksport qilgan hamda uchinchi o‘ringa tushib ketgan.
Qolgan hududlarda ko‘rsatkichlar quyidagicha:
- Surxondaryo viloyati — 134,7 ming tonna;
- Xorazm viloyati — 132,3 ming tonna;
- Namangan viloyati — 123 ming tonna;
- Andijon viloyati — 98,2 ming tonna;
- Toshkent shahri — 81 ming tonna;
- Jizzax viloyati — 69,4 ming tonna;
- Buxoro viloyati — 63,5 ming tonna;
- Qashqadaryo viloyati — 43,1 ming tonna;
- Sirdaryo viloyati — 41,1 ming tonna;
- Qoraqalpog‘iston R. — 21,3 ming tonna;
- Navoiy viloyati — 9,8 ming tonna.
2022-yil yanvar—oktabr oylarida meva-sabzavot mahsulotlari jami eksportning 5,8 foizini tashkil etdi.
Xuddi shu davrda O‘zbekiston qiymati 903,3 million dollarga teng bo‘lgan 1,4 million tonna meva va sabzavotlar eksport qilgan.
Mavzuga doir:
Izoh (0)