Bugun,

  • USD 11095.31
  • RUB 173.84
  • EUR 10772.44

Eron Fordodagi yerosti zavodida uranni 60 foizgacha boyitishni boshladi. Bu haqda Bloomberg xabar berdi.

Foto: Reuters

Foto: Reuters

Holat yuzasidan Tehron rasmiylari allaqachon Atom energiyasi bo‘yicha xalqaro agentlikka (MAGATE) bildirishnoma yuborgan. Fordo va Netenze inshootlarida ham qo‘shimcha sentrifugalar (uranni tozalash yoki undan yuqori darajada bomba yonilg‘isi qilish uchun ishlatiladi) o‘rnatilgani xabar qilingan.

Eron allaqachon atom zavodida uranni 60 foizgacha boyitmoqda. 2015-yilgi xalqaro yadroviy kelishuv shartlariga ko‘ra, Eron uranni 3,67 foizdan ortiq boyitish huquqiga ega emas. Yadro qurolini ishlab chiqarish uchun uranni 90 foizgacha boyitish zarur.

Eron bilan yadroviy kelishuvning izdan chiqishi

Xalqaro yadroviy bitim bir necha yil oldin AQSH (o‘sha paytda prezident Donald Tramp bo‘lgan) undan bir tomonlama chiqib ketganidan keyin o‘z faoliyatini to‘xtatdi. O‘shandan beri ushbu kelishuvni saqlab qolish uchun urinishlar bo‘lgan, ammo ular hech biri natija bermadi.

Yaqinda Eronda e’lon qilinmagan uchta joyda uran izlari topildi. Shu munosabat bilan, MAGATE Boshqaruvchilar kengashi 17-noyabr kuni AQSH va “yevrouchlik”ning Yadro qurolini tarqatmaslik to‘g‘risidagi kelishuv bo‘yicha majburiyatlarni bajarishga chaqiruvchi rezolyutsiyasini qabul qildi.

Bundan tashqari, MAGATE Erondan e’lon qilinmagan obyektlarda topilgan yadroviy materiallarning kelib chiqishini zudlik bilan tushuntirishni, hujjatlarni taqdim etishni va ularga kirishni talab qildi. Tehronning Fordodagi zavodda uranni 60 foizgacha boyitish qarori ushbu rezolyutsiyaga javoban qabul qilingani aytilmoqda.

Mavzuga doir:

Izoh
Asosiy yangiliklar
Mahalliy
Navoiyda 80 gektar yerni 1 mlrd so‘mga sotishga uringan shaxslar qo‘lga olindi
Mahalliy
Andijonda 6 nafar fuqaroning o‘limiga sabab bo‘lgan YTH ortidan yo‘l qurilish tashkiloti rahbariga jinoyat ishi qo‘zg‘atilib, ish sudga yuborildi 
Mahalliy
O‘zbekistonda dam olish kunlari quruq va iliq ob-havo bo‘ladi