Dunyoni yaxshilik qutqaradi: Suratga tushish bilan birga xayriya ishlarini amalga oshiradigan turk kinosi yulduzlari (foto)

Turk aktyor va aktrisalari nafaqat aktyorlik mahorati va seriallardagi his-tuyg‘ularni ajoyib tarzda uzatishi bilan, balki xayrli ishlari bilan ham mashhur. Ular muhtojlar uchun ezgu ishlarni amalga oshiradi. Elle nashrining bugungi qahramonlari ham yordamga muhtoj insonlarga ko‘mak berib keladi.

Jan Yaman Italiyada kasal bolalarga yordam berish jamiyatini tashkil etgan

Kelishgan aktyor nafaqat iste’dodi bilan, balki yaxshi ishlarga bo‘lgan muhabbati bilan ham mashhur. Shuning uchun uni nizoli xatti-harakatlarda ayblamoqchi bo‘lgan har bir kishi buni hisobga olishi kerak. Jan Italiyada kasal bolalarga yordam berish uchun fond tashkil etdi, chunki u uzoq vaqtdan beri Turkiyada emas, Italiyada yashaydi.

Engin Akyurek bolalarga nisbatan shafqatsizlikka qarshi kurashadi

“Elchining qizi” serialining yulduzi turkiyalik asosiy xayriyachilardan biri. Masalan, 2019-yilning may oyida Engin bolalar zo‘ravonligiga qarshi kurashuvchi jamg‘armaga taxminan 18 000 dollar o‘tkazdi. Bundan tashqari, Turkiyadagi jiddiy zilziladan so‘ng aktyor barcha jabrlanganlarga yordam berish uchun katta miqdorda sarflagan.

Maryam Uzerli yetimlarga yordam beradi

“Muhtasham yuz yil” serialining yulduzi bolalarga nisbatan mehribonligi bilan mashhur. Maryamning go‘daklarga bo‘lgan munosabatini tushunish qiyin emas, uning o‘zi ham ona. Turk ayoli turli sabablarga ko‘ra ota-onasiz qolgan bolalar va atrof-muhitni asrash uchun kurashadigan fondlarga yordam beradi.

Halit Ergench va Berguzar Korel mehribonlik uylariga yordam beradi

“Muhtasham yuz yil”ning Sulton Sulaymon va uning rafiqasi bir necha yil davomida butun odamlarga yordam berdi. Juftlik ko‘proq bolalarga yordam puli ajratdi. Uning rafiqasi Berguzar sotish uchun qo‘shiqlar yozdi va savdodan tushgan pulni xayriya ishlariga berdi.

Xande Erchel “Saratonsiz hayot” fondini qo‘llab-quvvatlaydi

Xande Erchel saraton kasalligiga chalinganlarni qo‘llab-quvvatladi. U saraton kasalligini yengishga muvaffaq bo‘lgan ayollarga dars beradigan dargoh ochishga qaror qilgan. Bundan tashqari, mashhur turk aktrisasi barcha muxlislari va do‘stlaridan unga sovg‘a bermaslikni, buning o‘rniga, u har yili “Saratonsiz hayot” jamg‘armasiga pul o‘tkazishni so‘ragan. Uning so‘zlariga ko‘ra, bu uning uchun eng yaxshi sovg‘a.

Murat Yildirim saratonga chalingan qizning orzusini amalga oshirdi

Turkiyalik aktyor va model Murat Yildirim saraton kasalligiga chalingan qizning orzusini amalga oshirdi. Kichkintoy haqiqatan ham serialda rol o‘ynashni va aktrisa bo‘lishni xohlagan, lekin makkor kasallik uni maqsaddan uzoqlashtirdi. Murat uning orzusini ro‘yobga chiqarishga yordam berdi va bemor qizaloq serialda ishtirok etdi.

Tuba Buyukustun qochqin bolalarga yordam beradi

2014-yil 21-may kuni Tuba Buyukustun UNICEF’ning butun dunyo bo‘ylab bolalar huquqlarini himoya qilish bo‘yicha “Milliy yaxshi niyat elchisi” etib tayinlandi. U UNICEF’ning “Yo‘qotilgan avlod yo‘q” global kampaniyasida ishtirok etadi. Aktrisa qochqin bolalarning muammolariga to‘xtalib, ularni ham ma’naviy, ham moddiy jihatdan qo‘llab-quvvatlashga harakat qiladi.

Engin Altan Afrika aholisiga g‘amxo‘rlik qiladi

“Ertug‘rul” serialida bosh rolni ijro etgan aktyor doimiy ravishda Afrika qit’asi mamlakatlariga ekspeditsiyalar uyushtirib kelgan. U bu ishni hayvonlar migratsiyasi, qurg‘oqchil hududlardagi hayot muammolarini yoritib berish va muhtojlarga yordam berish maqsadida qilgan. Engin sayohatdan qaytgach, suratlar ko‘rgazmasini tashkil qildi va yig‘ilgan barcha mablag‘ni Afrika qishloqlari aholisiga yordam berish uchun yubordi.

Kerem Bursin “He for She” tashkilotiga yordam beradi

Kerem Bursin ayollarning huquq va erkinliklari uchun asosiy kurashchidir. Uning uchun ayollarni o‘z mehnatiga munosib haq to‘lash, erkaklarnikidan kam bo‘lmagan ish o‘rinlari, jamiyatda normal munosabat bilan ta’minlashdan muhimroq narsa yo‘q. Harakatga imkon qadar ko‘proq yoshlar va erkaklarni jalb etish maqsadida ommaviy tadbirlarda bepul seminarlar o‘tkazadi.