Turk aktrisasi Birje Akalay Dubayda “Yilning eng yaxshi aktrisasi” deb topildi

Birje Akalay — taniqli turk aktrisasi, ijodiy faoliyati davomida 20 ta loyihada rol o‘ynagan. Aktrisa Istanbul teatr universitetining dramatik san’at va teatr tanqidi fakultetini muvaffaqiyatli tamomlab, uzoq yillardan buyon o‘z iste’dodi bilan tomoshabinlarni maftun etib kelmoqda, deb yozadi “Kinoforum”.

So‘nggi yillarda aktrisa ijoddan to‘xtagani yo‘q. U “Qush parvozi” serialidagi chiqishi bilan barcha tooshabinlarni hayratda qoldirdi.

Shuningdek, Netflix’da efirga uzatilgan “Qabriston” serialida ham ishtirok etdi.

Raqamli loyihalardagi ajoyib ijrosi tufayli Birje Akalay so‘nggi yillarda katta muvaffaqiyatlarga erishdi, mukofot hamda tomoshabinlarning e’tirofiga sazovor bo‘ldi.

Aktrisa Dubayda bo‘lib o‘tgan DIAFA taqdirlash marosimida “Yilning eng yaxshi aktrisasi” mukofotini qo‘lga kiritdi.

Muvaffaqiyatli ijodining e’tirofi bo‘lgan bosh mukofotni qo‘lga kiritgan aktrisa o‘zining latofati bilan ham tashrif buyuruvchilarda kuchli taassurot qoldirdi.

Eslatib o‘tamiz, 2021-yil Dubayda bo‘lib o‘tgan DIAFA marosimida “Yilning eng yaxshi aktrisasi” nominatsiyasida Neslixan Atagul g‘olib bo‘lgan.