“Titanik” filmidagi eng keksa qahramonni gavdalantirgan amerikalik aktrisa Gloriya Styuart yoshligida qanday ko‘rinishga ega bo‘lgani ko‘plab tomoshabinlarni qiziqtiradi.
“O‘rta maktabni tugatganimda hamma mening muvaffaqiyatga erishishimni aytgan. Biroq buni qancha kutishim kerakligini bilmasdim”, — deydi Gloriya Styuart. Amerikalik aktrisa 87 yoshida — 1997- yilda “Titanik” filmining premyerasidan so‘ng mashhur bo‘ldi.
Gloriya butun umri davomida o‘nlab rollarni ijro etgan. Aktrisaning kino olamdagi ilk rollari ham uning mashhurlikka erishishiga sabab bo‘ldi, bulardan biri 1932-yilda namoyish etilgan “Eski qo‘rqinchli uy” dahshatli filmi edi.
Xitga aylangan film chiqqandan keyin aktrisaning kelajakda muvafaqqiyatga erishishi taxmin qilingan edi, biroq uning kinodan hafsalasi pir bo‘ldi: u ish sharoitiga, masalan, 15 soatlik smenalar, tartibsiz ovqatlanish va bir xil rollarga chiday olmadi.
“Men qilayotgan hamma ishimdan nafratlanardim. Men yoqimtoy qizlarning rolini o‘ynashni xohlamadim — bu rollar juda cheklangan edi. Teatrda Chexov va Shekspir asarlaridagi qahramonlarni o‘ynadim. Kinoni tark etishga qaror qildim, chunki kino aktrisalariga yaxshi munosabatda bo‘lishmadi”, — deb eslaydi Gloriya. Keyinchalik u haqiqatan ham teatrga ishga kirdi, dekupaj san’atida, primitivizm uslubida rasm chizishda va bonsada o‘zini sinab ko‘rdi.
Tomoshabinlar Gloriya Styuartni 1990-yillarda aktrisa sifatida unuta boshlashganida “Titanik” haqida film suratga olishni rejalashtirayotgan va Rouzning rolini o‘ynashi kerak bo‘lgan keksa ayolni qidirayotgan Jeyms Kemeron u bilan uchrashishga qaror qiladi.
“Film ajoyib bo‘lishini darhol angladim, bu men butun umr kutgan rol edi ”, — deydi aktrisa.
“Titanik” filmi katta ekranlarga chiqqanidan keyin aktrisa Gloriya Styuart 87 yoshida kino olamdagi faoliyati davomida ikkinchi bor dunyo bo‘ylab mashhurlikka erishdi. Aktrisa butun suratga olish guruhi a’zolari ichida haqiqatan ham kema halokatiga uchragan yagona inson edi (o‘shanda Gloriya 2 yoshda bo‘lgan). U “Titanik” filmidagi roli uchun “Oskar” mukofotiga ham nomzod bo‘lgan.
Qaysidir ma’noda Styuart o‘z qahramonining taqdirini takrorladi: u 100 yil yashadi.
Izoh (0)