Turli xil telefon g‘iloflarini tozalash bo‘yicha 5 ta oddiy layfxak

Agar telefoningiz g‘ilofi chiroyli ko‘rinishini yo‘qotgan bo‘lsa va estetik jihatdan yaxshi ko‘rinmasa, bu yangi aksessuar sotib olish kerak, degani emas. “Noviy ochag” nashri har qanday materiallardan yasalgan g‘iloflarni samarali tozalashda yordam beradigan maslahatlarni taqdim etdi.

Ishni boshlashdan oldin, telefoningizni korpusdan chiqarib oling va hech qachon telefoningiz ichida bo‘lgan g‘ilofni tozalashga urinmang, chunki tasodifan qurilmaga shikast yetkazishingiz mumkin.

Plastik telefon g‘iloflarini qanday tozalash mumkin?

1. Bir osh qoshiq oqartirgich va bir stakan suvni aralashtiring. Agar bu hajm siz uchun yetarli bo‘lmasa, miqdorni oshirishingiz mumkin.
2. G‘ilofni 5-10 daqiqa davomida eritmaga to‘liq botiring. Aksessuarda ketmaydigan dog‘lar bo‘lsa, uni biroz ko‘proq yoki dog‘lar yo‘qolguncha namlang.
3. Kir va dog‘lardan xalos bo‘lish uchun g‘ilofni shimgich yoki mato bilan yaxshilab artib oling. Mato bilan artish qiyin bo‘lgan joylarni tish cho‘tkasidan foydalanib tozalab oling.
4. G‘ilofni yaxshilab artib oling. Uni qog‘oz sochiq bilan arting va taxminan yarim soat davomida ochiq havoda quriting. Ushbu tozalash jarayonini har oyda bir marta takrorlash mumkin.

1. Silikon telefon g‘ilofini tozalashning eng yaxshi usuli — idish yuvish vositasi va suvni aralashtirishdir. G‘ilofni aralashmaga soling va uni bir necha daqiqaga qoldiring. Agar telefon g‘ilofi suvning yuzasiga chiqib qolsa uning ustiga og‘ir narsani qo‘ying.
2. G‘ilofdagi dog‘larni yo‘qotish va qirralarini tozalashda tish cho‘tkasidan foydalaning. Shundan keyin ham qoralangan joylardan va kirlardan qutulolmasangiz, ularga soda seping va nam tish cho‘tkasi bilan tozalang.
3. G‘ilofni sovuq suvda yuving va mikrofiber mato bilan quriting. Aksessuarni bir soat davomida ochiq havoda quriting. Shaffof plastik telefon g‘iloflarini ham shu tarzda tozalash mumkin.

Rezinali telefon g‘iloflarini qanday tozalasa bo‘ladi?

Silikon telefon g‘iloflari singari, rezina qutilarni ham idish yuvish vositasi va suv bilan osongina tozalash mumkin.

Ba’zi rezina g‘iloflarda dog‘larni yo‘qotish oq va shaffof g‘iloflarga qaraganda olib tashlash qiyinroq. Bunday holda, birga uch nisbatda iliq suv va sodani aralashtirib, maxsus pasta hosil qiling. Uni telefon g‘ilofingizga qo‘llang va bir necha soat davomida quriting. Keyin aksessuarni yaxshilab yuvib tashlang.

Yog‘ochdan yasalgan telefon g‘ilofini qanday tozalash kerak?

Yog‘och telefon g‘iloflariga juda ehtiyotkorlik bilan munosabatda bo‘lish kerak. Iloji bo‘lsa, aksessuarni tozalashda suvdan foydalanmang. Yog‘och g‘ilofga tez-tez suv tekkizish uning sifati yomonlashishiga sabab bo‘ladi. Yog‘och g‘ilofni muntazam ravishda quruq mikrofiber mato bilan artib turgan ma’qul, bu uning yuzasiga zarar bermaydi.

O‘ta ifloslangan g‘ilofni namlangan mikrofiber mato bilan artishingiz mumkin (hech qachon yog‘och g‘ilofga suv tekkizmang). Keyin ortiqcha namlikni so‘rish uchun quruq mikrofiber matodan foydalaning.

Agar bu usul bilan yog‘och quti to‘liq toza bo‘lmasa, suvga bir necha tomchi oq sirka qo‘shing, salfetkani aralashmaga botirib, korpusning sirtini artib oling.

Charm g‘ilofni qanday tozalagan ma’qul?

1. Idishda iliq suv va suyuq qo‘l sovunini aralashtiring (nisbatlar o‘zingizga bog‘liq).
2. Mikrofiber matoni eritma ichiga botirib, ozgina nam bo‘lguncha siqib oling. G‘ilofni aylanma harakatda mato bilan artib oling.
3. Ortiqcha suvni quruq mato yoki qog‘oz sochiq bilan artib oling. Ushbu tozalash jarayonini oyiga bir marta takrorlang.

Mavzuga doir: 

• Rossiyada smartfonlar uchun somondan g‘ilof yasaldi. U ekologiyaga zarar keltirmaydi.
• Dior modalar uyi AirPods Pro naushniklari uchun g‘ilof yaratdi.
• Singapurda iPhone X uchun dunyodagi eng qimmat g‘ilof taqdim etildi.