Жун, замш, чийдухоба (велвет), кашмир — қишда ушбу матолардан тайёрланган кийимлар юқори талабга эга. Бироқ муаммо шундаки: улар эскиради ва чиройли кўринишини йўқотиши ҳам мумкин. Бунинг олдини олиш учун кийимларингизни тўғри сақлаётганингизга эътибор беринг.
Тахлаш ёки осиб қўйиш: кийимларни қандай ҳолатда сақлаш керак?
Жунли свитерлар чўзилиб кетмаслиги учун уларни чиройли тарзда тахлаб қўйган маъқул. Бироқ енгил трикотаж кийимларни илгичга осиб қўйиш мумкин. Кийимларни ёғоч ёки юмшоқ мато билан қопланган илгичларга илиб қўйса ҳам бўлади.
Кийимнинг шаклига эътибор беринг
Кун бўйи свитер кийганингиздан кейин унинг шакли ўзгариши мумкин. Уни стул ўриндиғига ёйиб, 24 соатга қолдиринг. Бу жун ипларни орқага қайтариш ва кийимнинг шаклини тиклаш имконини беради.
Нарсаларнинг рангини сақлаб қолишга ҳаракат қилинг
Шкафда турган свитерлар ва кофталар орасига кислотасиз эритма билан намланган салфеткаларни қўйинг (уларни аксессуарлар ва офис жиҳозларини парвариш қилиш учун сотиладиган дўконларда сотиб олишингиз мумкин). Шу орқали жун тўкилишини олдини олиш ва нарсаларнинг рангини узоқ вақт давомида сақлаб қолиш мумкин.
Ёрлиқни ўқинг
Хизмат кўрсатмаларида «фақат қуруқ тозалаш» деган ёзув бўлиши мумкин. Асос сифатида, бундай ёрлиқли нарсаларни қўлда ёки кир ювиш машинасида «нозик ювиш» режимида ювиш мумкин.
Матонинг хусусиятларини кўриб чиқинг
Фланел
Агар кийимлар фланел матодан қилинган бўлса, у ярим автомат кир ювиш машинасида ювишга бардош бера олади. Фланелдан қилинган маҳсулотларни сочиқлар билан бирга ювманг ва қуритманг, бундай ҳолатда кийимларни ажратиб олишга қийналишингиз мумкин.
Кашмир
Ушбу матодан тикилган кийимларни «нозик циклда» кир ювиш машинасида ювиш мумкин. Бироқ бундан олдин уларни ичкари қисмни устига чиқариш керак ва pH-нейтрал кукунни ишлатган маъқул. Кийимларни ювиб бўлгандан кейин сочиқ билан ўранг ва центрифугада яна беш дақиқа давомида шу шаклда сақланг. Кейин уни кир ювиш машинасидан чиқариб олинг, уни текис юзага қўйинг ва аста-секинлик билан тўғирланг. Кийимлар қуриганида, енгил тараш мумкин.
Велвет
Велвет матодан тикилган кийимлар ҳам пахтали фланелга ўхшаб кир ювиш машинасида ювилиши мумкин. Бундай матоли кийимларни ювгандан кейин ўнг томонидан дазмолламаслик керак.
Бахмал
Баъзи синтетик матоларни кир ювиш машинасида ювиш мумкин, бироқ унда ипак бўлса, қуруқ тозалаган маъқул. Бахмалдан тикилган матоларнинг сифати бузилмаслиги учун уларни дазмолламанг.
Замш ва чарм
Агар тасодифан замш ва чармни доғ қилиб қўйсангиз, иложи борича тезроқ ўша жойни илиқ сув билан намланг, қуритинг ва кейин доғни чўткаси билан секин кетказинг. Агар бу ёрдам бермаса, бошқа ҳеч нарса қилишга уринманг, акс ҳолда сиз ишни ёмонроқ ҳолатга келтиришингиз мумкин. Тозалаш ишини мутахассисларга топширинг.
Жунли кийимларни кашмирли мато билан бўлгани каби совуқ сувда аста-секинлик билан ювинг ва қуритинг. Кийимларни ўзингиз ювинг.
Кийимларингизни турли хил ҳашаротлардан сақланг
Вақти-вақти билан қишки нарсаларни бир неча кечага музлатгичга қўйиш керак. Бу ип, жун ва бошқа зич матоларнинг ҳолатини яхшилайди ва кичик ҳашаротлар пайдо бўлишини олдини олишга ёрдам беради. Буюм музлатгичдан олгандан сўнг яхшилаб силкитинг ва секин чўткалаб олинг.
Шкафдаги кийимларингизни алмаштириб туришга ҳаракат қилинг ва тез-тез киядиган ва умуман киймайдиган нарсаларингизни бир хил жавонда сақламанг. Кўплаб ҳашаротлар бу мавсумда ҳеч қачон киймаган свитерингизда ёки кийим тортмасининг пастки қисмига жойлашиб олади.
Яна бир самарали усул, бир парча матодан сумка тикиб, ичига бир даста қуруқ лаванда қўйинг. Унинг хушбўйлиги нафақат кийимларга зарар берадиган ҳашаротларни қайтаради, балки кийимларга янги ҳид беради.
Мавзуга доир:
Изоҳ (0)