АОКАда ўтказилган брифингда Техник жиҳатдан тартибга солиш агентлиги ахборот хизмати раҳбари Абдурауф Расулов GSP+ доирасида халқаро сифат менежмент тизимларини жорий этиш бўйича қилинган ишлар ҳақида маълумот берди.
Қайд этилишича, 241 та экспортёр корхона томонидан маҳаллий маҳсулотлар 31 та Европа давлатига экспорт қилинган. Республика миқёсида корхоналарга халқаро стандартларни жорий этиш бўйича сарфланадиган харажатларни қоплаб бериш юзасидан 128 та корхонанинг ҳужжатлари Экспортни рағбатлантириш агентлигига киритилган.
Европа мамлакатларида қўлланиладиган 1500 та стандарт жорий этиладиган 300 та корхона рўйхати шакллантирилиб, манзилли ишлар йўлга қўйилган.
2023 йилда экспорт ҳажмларини 2 баробаргача ошириш бўйича аниқ режалар ва амалий таклифлар ишлаб чиқилган. Унга кўра, GSP+ доирасида маҳсулот ишлаб чиқараётган корхоналардаги 3 085 нафар мутахассисни, шундан 400 нафар лаборатория ходимларини малакасини оширишда Германия, Туркия, Англия, Латвия, Испания, Россия, Беларуснинг халқаро экспертларни жалб қилиш, GSP+ доирасида халқаро стандартлар жорий қилинган корхоналар сонини 2 баравар ошириб, 1 200 тадан 2 400 тага етказиш ва 1 200 дан ортиқ халқаро стандартларни давлат тилига таржима қилиш ҳамда давлат фондига киритиш режалаштирилган.
Изоҳ (0)