Istanbulning markaziy Fatih tumanida hozircha noma’lum sabablarga ko‘ra, bir avtomobil yonib ketdi, alanga shu atrofda to‘xtab turgan boshqa mashinalarni ham qamrab oldi, ayni paytda esa yong‘in o‘chirilgan, deb xabar bermoqda Habertürk.
Nashr voqea joyidan olingan foto va videotasvirlarni ham e’lon qildi. Kadrlarda portlashga o‘xshagan tovushlarni eshitish mumkin.
Yong‘in oqibatida beshta mashina yonib ketgani ma’lum qilindi. Bundan tashqari, voqea joyi yaqinidagi bino va bankomat ham zarar ko‘rgan.
Yeni Akit nashri olti avtomobilga zarar yetgani haqida yozmoqda.
Habertürk ma’lumotlariga ko‘ra, birinchi bo‘lib yonib ketgan avtomobil haydovchisi kapot ostidan tutun chiqayotganini sezganidan keyin Kojamustafa pasha ko‘chasida to‘xtagan. Shundan keyin alanga shu atrofga qo‘yilgan boshqa mashinalarga ham o‘tgan.
Mashinalardan biri esa portlab ketgan.
Qurbonlar yoki jabrlanganlar haqida hozircha ma’lumotlar yo‘q.
O‘tgan hafta Istanbul markazidagi Istiqlol piyodalar ko‘chasida portlash yuz bergan, olti kishi halok bo‘lib, 81 kishi jabrlangan edi.
Istanbul Bosh prokuraturasi hodisani terakt deb baholadi, besh nafar prokuror tomonidan surishtiruv olib borilmoqda. Turkiya IIV portlashni sodir etgan shaxs qo‘lga olinganini ma’lum qildi.
Mavzuga doir:
Izoh (0)