Афғонистоннинг Пактия вилояти Дандпатан чегара туманидаги маҳаллий манбалар «Толибон» кучлари ва Покистон аскарлари ўртасида тўқнашув бўлганини маълум қилди. Бу ҳақда Etilaatroz хабар берди.
Ҳодиса оқибатида Покистон чегара қўшинидан бир аскар ҳалок бўлган, яна икки нафари яраланганди. Бироқ «Толибон» мазкур ҳужумга алоқадорлигини рад этган. Қандаҳордаги манбаларнинг айтишича, Покистон марказий ҳукумати «Толибон»дан мамлакат чегарачиларига ўқ узган шахсни топширишни сўраган.
Ўтган йил давомида Покистон бир неча бор Афғонистонни чегара ҳудудларини ўққа тутганликда айблаган. Бунга жавобан Исломобод апрель ойида Афғонистоннинг Хост ва Кунар вилоятларига бир қатор авиаҳужумлар уюштирган ва оқибатда 50 га яқин одам ҳалок бўлган.
Изоҳ (0)