Turk aktrisasi Asli Enver sevgilisi, tadbirkor Berkin Go‘kbudak bilan turmush qurdi.
Aktrisa avvalgi sevgilisi O‘nder O‘ztarxon bilan ajrashgach sayohat qilishga qaror qildi. U Kiprga, Angliyaga va bolaligi o‘tgan Londonga tashrif buyurdi. Aktrisa 12 yoshida ota-onasi ajrashganidan keyin Turkiyaga ko‘chib o‘tgan. Asli sayohatdan qaytib kelganidan keyin do‘stlari bilan ziyofatda tanishgan tadbirkor Berkin Go‘kbudak bilan uchrasha boshladi.
Asli Enver bilan turmush qurgan tadbirkor Berkin Go‘kbudak biznes olamida mashhurlikka erishgan. Go‘kbudak 1983-yilda tug‘ilgan. U Sabanji universitetida sanoat muhandisligi bo‘yicha bakalavr darajasini, keyin esa Galatasaroy universitetida Marketing kommunikatsiyalari boshqaruvi bo‘yicha magistrlik darajasini olgan. Tadbirkor Berkin avval uylangan, uning 8 yoshli o‘g‘li bor.
Hozirda u Johnson & Johnson markali dori-darmonlar guruhiga kiruvchi Turkiyadagi Janssen kompaniyasining gematologiya bo‘limi boshlig‘i sifatida faoliyat yuritadi. Rahbarlikdan tashqari, u mahsulot menejeri, savdo samaradorligi bo‘yicha biznes tahlilchisi va mijozlar bilan aloqalar qilish bo‘yicha ham ishlaydi. Asli Enver 2012-yilda u Birkan Sokullu bilan oila qurgan edi, biroq juftlik oradan uch yil o‘tib ajrashdi. Shundan keyin aktrisaning shaxsiy hayoti masalasi bilan bog‘liq barcha urinishlari ajrashish bilan tugadi.
Aktrisaning shaxsiy hayot masalasida omadi kelmadi, biroq u kino olamda katta muvafaqqiyatga erishdi. U faoliyati davomida 14 ta loyihada suratga tushdi. Aslining kinodagi debyuti 2003-yilda suratga olingan, ikki fasl davom etgan “Hayot ilmi” serialida bo‘lgan. Shundan so‘ng aktrisa har yili yangi loyihalarda suratga tushdi.
Aktrisa “Istanbullik kelin” serialida suratga tushganidan keyin nafaqat Turkiyada, balki butun dunyo bo‘ylab mashhurlikka erishdi. Turkiyaning dunyoga mashhur aktyorlaridan biri Kaan Urganjio‘g‘lu ishtirokidagi “Ishonchli qo‘llarda” filmi aktrisaning karyerasida yangi bosqich bo‘ldi. Loyiha Netflix’da efirga uzatildi va bir necha hafta davomida xalqaro raqamli platformada translyatsiya qilinadigan eng yaxshi 10 ta film qatoridan joy oldi.
Asli Enver ijtimoiy tarmoqlardagi sahifasiga to‘y suratlarini joylagach ko‘plab taniqli turk aktrisalari va aktyorlari unga baxt tilab izoh qoldirdi.
Mavzuga doir:
- “Istanbullik kelin” seriali yulduzi Asli Enver bir necha yillik sevgilisi Sarp Batur bilan ajrashdi.
- “Istanbullik kelin” yulduzi — Asli Enver nima uchun seriallarda suratga tushmayotgani haqida gapirdi.
- “Istanbullik kelin” seriali yulduzi Asli Enver yangi loyihada ishtirok etadi.
- “Istanbullik kelin” — Asli Enver yangi serialda Kaan Urganjio‘g‘lining sevgilisi rolini ijro etadi.
Izoh (0)