Хонанда Шоҳжаҳон Жўраев «Тарафлар» кўрсатувига берган интервьюсида атрофдагиларнинг фитналари туфайли отасидан узоқлашгани, Жўраевлар оиласининг концертида ҳам иштирок эта олмагани ва отасининг касаллиги ҳақида гапириб берди.
«Концерт дастурига мени аралаштиришмади»
«Менга қолса концертни яна бир йилга узайтирган бўлар эдим. Сабаби ҳар бир фарзанд отаси ёки онасининг оғир ҳолатдан яна тикланиб, яхши бўлаётган вақтида ишлашидан кўра, тинчгина, соғ-саломат яшаб 100 га киришини истайди. Керак эмас, ишламасин, маза қилиб яшасин деган нарса бўлади. Шахсан менда шу фикр бор эди. Шунинг учун менга қолса, отамни яна кучга тўлиб, кейинги йилга концерт бериши мўлжаллаштирилганда ўзлари учун ҳам, отамни соғинган мухлислар учун ҳам айни муддао бўлар эди.
Отамга оғир бўлди, қийналди. У инсоннинг фарзанди ва санъаткор сифатида ҳис қилдимки, жуда қийналди. Қўшиқ айтиш учун ҳам танада куч бўлиши керак. Тарихда ўқиганмиз, катта подшоҳларнинг саройларида турли хил ўйинлар бўлади, фитналар бўлади. Саройдаги а’ёнлар, вазирлар, уларни югурдаклари, қуллари, умуман подшоҳ атрофида бўлаётган ишлардан бехабар бўлади. Хаёли билан яшайверади, буйруғини бераверади, бажариляпти дейилади. Ваҳоланки, атрофида бошқа ишлар бўлади. Шунинг учун ҳам мен бу ишга аралашмадим. Концерт дастурига мени аралаштиришмади, аралаштиришганида тўхтатар эдим. Менга отамнинг жони оғриши керак эмас», — дейди хонанда.
«Отам ‘кетма, мен сени қидиряпман’, — деб айтди»
«Бизда отамга бўлган садоқат, муҳаббат бошқача. Бир, бир ярим йил орасида оғир касал бўлганларида ҳам Туркияга бориб, даволатиб олиб келдик. Унда ҳам мен отам билан камроқ кўришиб турар эдим, чунки вазиятимиз шунақа бўлиб қолган эди. Ёши ўтган, бемор одамни авайлаш керак, кўп нарсани айтиб бўлмайди. Бир йил аввал тоблари бўлмай, касалхонага тушиб қлдилар. Олдиларига кўп боролмсдим. Бир куни соғиниб кечаси соат иккида касалхонага бориб, ерга ётволдим. Ўша куни отам мени сўраб чиққан экан, уйғониб кетдилар. Қийналиб ухлар эди, буни азобини биз кўрдик. Хонанда саҳнада чиройли кўринаверади, уни азобини биз билдик. Отам ‘келдингми?’, нимага кетиб қоляпсан?’, деди. Кетмаяпман дедим. Шунда отам ‘кетма, мен сени қидиряпман’, деб айтди. Дори олиб келдим, дедим, ичмаслигини, ҳаммаси жонига тегганини айтди. Ота, ундай қилманг, сиз катта синовлардан ўтган инсонсиз, энди саҳнага, ёруғликка чиқдик, туғилганимиз биланоқ кутган орзуларимизга энди эришдик, унақа мағлубият бўлиши керак эмас, дорини ичиш керак, сизга овоз берилган, нечта инсон бундан малҳам топади, дедим.
Биз кўп жойларга борамиз, ёшлар, чоллар, кампирлар, ақлини таниган зиёли инсонлар ушлаб олиб менга шу инсонни овозини эшитмасам яшамаётгандек бўламан, ўша овозни эшицам кайфиятим кўтарилади, ашула айтмасин, майли, тўйда кўришиб қолганимда ҳам маза қиламан, овозида нимадир бор дейишади. Нечта одам отамнинг қўшиғи билан динни, Аллоҳни, танидик деб айтади. Бир интервьюларида эшитиб қолган эдим, бизни кўп ўзимизга мақтамайди. Интервьюда мен ҳақимда сўрашганда ҳар бир фарзанд отасидан кутиб яшайдиган сўзларни айтган экан. У ерда арзирли гаплар айтилган.
Бир режиссёр акам бор, концерт залга борсам хурсанд бўлиб кутиб олди. ‘Уч кун олдин боргандим, уйда йўқ экансан’, Шер акам билан ўтириб бир савол бердим, деди. Нима савол берганини сўрадим. ‘Шер ака, мингдан ортиқ шогирдингиз бор, ким сизни рози қилиб қўшиқларингизни айтган’, деб сўраганини айтди. Кейин эса отам ‘Шоҳжаҳон Жўраев’, деб жавоб берибди. Буни сабаби садоқат, садоқат билан хизмат қилиш», — дейди Шоҳжаҳон Жўраев.
Мавзуга доир:
- Мухлисни силтаб ташлаган Шоҳжаҳон Жўраев, томошабинга тарсаки туширган Алишер Узоқов: Санъаткорларни қандай ҳолатлар асабийлашишга мажбур қилади? (видео).
- Malibu ойнасини синдирган Дурдона Қурбонова, Шоҳжаҳон Жўраевдан ранжиган Дилфуза Исмоилова, Ҳалима Ибрагимовани «тепган» Аҳад Қаюм. 2021 йилда интернетда «шовқин кўтарган» шоу-бизнес вакиллари.
- «Яхшиям ўша даврлар ўтиб кетди». Шоҳжаҳон Жўраев илк марта Гулнора Каримова туфайли «запрет»га тушгани ҳақида сўзлаб берди (видео).
- Instagram: Невараси шарафига тўй қилган Рашид Холиқов, СанЖайни яна судга беришди, бемор мухлисаси билан кўришган Шоҳжаҳон.
Изоҳ (0)