Toshkent shahar, Chilonzor tumani, Diydor ko‘chasidagi ishlab chiqarish binosi (sobiq “Algoritm” zavodi) kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga Davlat aktivlarini boshqarish agentligining Toshkent shahar hududiy boshqarmasi tomonidan joylashtirilgan.
Binoning yer maydoni 16 gektarni tashkil qiladi. Unda suv, gaz, elektr energiyasi ta’minoti va kanalizatsiya tizimi yo‘lga qo‘yilgan.
Auksionga qo‘yilgan inshootning boshlang‘ich bahosi — 292,9 mlrd so‘m. Arizalar 12-dekabr 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Namangandagi neft bazasi 218 milliard so‘mga auksionga qo‘yilgani haqida xabar berilgan edi.
Izoh (0)