Тошкент шаҳар, Чилонзор тумани, Дийдор кўчасидаги ишлаб чиқариш биноси (собиқ «Алгоритм» заводи) кимошди савдосига қўйилди. Лот маълумотлари «E-auksion» порталида эълон қилинган.
Лот аукционга Давлат активларини бошқариш агентлигининг Тошкент шаҳар ҳудудий бошқармаси томонидан жойлаштирилган.
Бинонинг ер майдони 16 гектарни ташкил қилади. Унда сув, газ, электр энергияси таъминоти ва канализация тизими йўлга қўйилган.
Аукционга қўйилган иншоотнинг бошланғич баҳоси — 292,9 млрд сўм. Аризалар 12 декабрь 09:00 га қадар қабул қилинади. Савдолар худди шу куни 10:00 да бошланади.
Аввалроқ Намангандаги нефть базаси 218 миллиард сўмга аукционга қўйилгани ҳақида хабар берилган эди.
Изоҳ (0)