Bugun,

  • USD 11095.31
  • RUB 173.84
  • EUR 10772.44

Yil boshidan beri O‘zbekistonda tovarlar kreditlar hajmi, tovar xomashyo birjasi faoliyati o‘zgargani tahlil qilindi. Bu haqda “Daryo”ga Iqtisodiy tadqiqotlar va islohotlar markazi xabar bermoqda.

Foto: “Daryo” / Madina Nurman

Foto: “Daryo” / Madina Nurman

Joriy yilning 1-yanvaridan 31-oktabrigacha bo‘lgan davrda tijorat banklari tomonidan berilgan kreditlar hajmi o‘tgan yilning shu davriga nisbatan 9,6 foizga oshdi.

Kreditlar berish hajmi Farg‘ona (28,8 foiz), Toshkent (24,2 foiz), Samarqand (20,6 foiz), Andijon (11,8 foiz) viloyatlarida, Qoraqalpog‘iston (17,6 foiz) va Toshkent (16,4 foiz) shaharida sezilarli darajada oshgani qayd etildi.

Tahlil qilinayotgan davrda O‘zbekiston tovar-xomashyo birjasida amalga oshirilgan bitimlar hajmi 39,4 foizga o‘sdi.

Birja faoliyatining sezilarli o‘sishi Xorazm (61,9 foiz), Jizzax (49,4 foiz), Navoiy (48,3 foiz), Samarqand (46,5 foiz) viloyatlarida va Toshkent (50,2 foiz) shahrida kuzatildi.

Ushbu hududlarda tuzilgan bitimlar hajmining o‘sishi mineral o‘g‘itlar, texnik chigit, avtomobil benzini, dizel yoqilg‘isi, qurilish va xo’jalik materiallari, o‘simlik yog‘i, bug‘doy uni, bug‘doy, shakar, paxta tolasi, qora va rangli metallar, polietilen, polipropilen, etil spirti va boshqa mahsulotlar savdosining ko‘payishi hisobidan erishilgan.

Tahlil qilinayotgan davrda 76 481 ta yangi korxonalar tashkil etilib, ularning eng ko‘pi Samarqand (8 859), Farg’ona (7 409), Qashqadaryo (7 122), Toshkent (5 808), Xorazm (4 967) viloyatlarida va Toshkent shahrida (13 064) ro‘yxatga olingan.

Avvalroq O‘zbekistonda yil boshidan beri qancha odam ipoteka kreditlarini olgani ma’lum qilingani haqida xabar berilgandi.

Izoh
Asosiy yangiliklar
Mahalliy
O‘zbekistonda kelasi hafta 42 darajagacha issiq bo‘ladi
Mahalliy
Toshkentda yo‘lning qatnov qismida prank uyushtirgan yigitlar ishi sudga oshirildi
Dunyo
Dunyo bo‘ylab millionerlar soni sezilarli darajada kamaydi