Ukraina Qurolli kuchlari bosh shtabi Belarusdagi kasalxonalar yarador va kasal rus askarlari bilan to‘lib-toshgani haqida ma’lumot bergandi. Belarus Sog‘liqni saqlash vazirligi esa mazkur xabarni rad etdi.
Belarus SSV raddiyasiga ko‘ra, Brest viloyatidagi kasalxonalar rossiyalik harbiylarga xizmat ko‘rsatish zarurati tufayli to‘lgani haqidagi ma’lumotlar haqiqatga to‘g‘ri kelmaydi. Vazirlik milliy sog‘liqni saqlash tizimini mamlakat brendi deb atadi va polyaklar, ukrainaliklar hamda Boltiqbo‘yi davlatlari fuqarolarini davolanishga taklif qildi.
“Bugun nashr qilish uchun hududdagi bir nechta shifoxonalarni suratga oldik. Joylar yetarli, keling. Biz sizga yordam berishga tayyormiz! Yakshanba kuni Brestdagi 437 o‘rin, jumladan, jarrohlik va reanimatsiya yotoqlari bo‘sh”, deyiladi Belarus Sog‘liqni saqlash vazirligining Telegram-kanalida.
Vazirlik isbot tariqasida xabarga yarim bo‘sh xonalarning beshta suratini ilova qilgan bo‘lib, ulardan uchtasi bitta palatani ko‘rsatadi.
Ma’lumot o‘nida, Ukraina Belarus bilan chegarada sim to‘siqli devor qurmoqda. Chegaraning 3 kilometrga yaqinida allaqachon devor o‘rnatilgan va davomini o‘rnatish ishlari ketmoqda. Ukraina prezidenti bu orqali dushmanning taxminiy oldinga siljishini to‘xtatish mumkinligini bildirgandi.
Izoh (0)