AKFA Group matbuot xizmati ma’lum qilishicha, 9-noyabr kuni AKFA Group bilan Koç Construction qurilish kompaniyasi o‘zaro faoliyatni mustahkamlash, texnologik hamkorlik bo‘yicha yangi imkoniyatlarni joriy etish choralari borasida kelishuvga erishdi.
Hamkorlar, loyihalash va qurilishning eng zamonaviy standartlariga javob beruvchi loyihalarni ishlab chiqish va birgalikda qo‘llab-quvvatlashga qaratilgan harakatlarni birlashtirish to‘g‘risida kelishib oldilar. Shuningdek, kompaniyalar o‘rtasidagi hamkorlikni yanada manfaatli qilishga xizmat qiladigan masalalar muhokama qilindi.
Xususan, memorandumga muvofiq, qurilishi o‘ziga xos bo‘lgan Piramit Tower biznes va savdo majmuasini amalga oshirish ko‘zda tutilgan. 185 metrlik Piramit Tower minorasi 47 qavatdan iborat bo‘lib, o‘z ichiga rezidensiyalar, ofis xonalari va 5 qavatli Piramit Mall SKMni olib, unda 80 ga yaqin jahon brendlariga mansub tijorat korxonalari joylashadi.
Rasmiy tadbirlar doirasida AKFA Group kompaniyasi va Koç Construction kompaniyasining vakillari obyektning qurilish jarayoni bilan tanishdilar va Imzo fabrikasiga ekskursiya bilan tashrib buyurishdi, hozirgi kunda u yerda oynalash tizimlarining fabrikatsiyasi rejalashtirilgan. Ekskursiyalardan so‘ng delegatsiya Hilton mehmonxonasiga yo‘l olib, uning konferents-zallaridan birida memorandumni imzolash rasmiy marosimi bo‘lib o‘tdi.
Ma’lumot uchun
Koç Construction — qurilish sohasidagi yetakchi kompaniyalardan biri bo‘lib, u to‘liq qurilish, elektr-montaj ishlari, mexanik-montaj ishlari, loyihalar boshqaruvi bilan shug‘ullanadi. 3 qit’aning 9 ta mamlakatida, asosan, Osiyoda hamda Yevropa va Osiyoda ishlayotgan Koç Construction o‘zining O‘zbekistondagi faoliyatini ham davom ettirib, Toshkent, Samarqand va Buxorodagi 15 ta turli qurilish maydonlarida 3 500 nafardan ziyod xodimlarini ish bilan ta’minlamoqda.
AKFA Group — O‘zbekistonning eng yirik ishlab chiqarish xoldinglaridan biri. Uning tarkibida 20 dan ortiq ishlab chiqarish majmuasi bo‘lib, ular alyumin va PVX-profillarni, oyna-eshik va fasad konstruksiyalarini, isitish radiatorlarini, alyumin-kompozit panellarni va boshqa qurilish materiallarini ishlab chiqarib kelmoqda.
Reklama huquqi asosida.
Izoh (0)