AKFA Group ва Koç Construction МЧЖ ҳамкорлик меморандумини имзолади

AKFA Group матбуот хизмати маълум қилишича, 9 ноябрь куни AKFA Group билан Koç Construction қурилиш компанияси ўзаро фаолиятни мустаҳкамлаш, технологик ҳамкорлик бўйича янги имкониятларни жорий этиш чоралари борасида келишувга эришди.

Ҳамкорлар, лойиҳалаш ва қурилишнинг энг замонавий стандартларига жавоб берувчи лойиҳаларни ишлаб чиқиш ва биргаликда қўллаб-қувватлашга қаратилган ҳаракатларни бирлаштириш тўғрисида келишиб олдилар. Шунингдек, компаниялар ўртасидаги ҳамкорликни янада манфаатли қилишга хизмат қиладиган масалалар муҳокама қилинди.

Хусусан, меморандумга мувофиқ, қурилиши ўзига хос бўлган Piramit Tower бизнес ва савдо мажмуасини амалга ошириш кўзда тутилган. 185 метрлик Piramit Tower минораси 47 қаватдан иборат бўлиб, ўз ичига резиденциялар, офис хоналари ва 5 қаватли Piramit Mall СКМни олиб, унда 80 га яқин жаҳон брендларига мансуб тижорат корхоналари жойлашади.

Расмий тадбирлар доирасида AKFA Group компанияси ва Koç Construction компаниясининг вакиллари объектнинг қурилиш жараёни билан танишдилар ва Имзо фабрикасига экскурсия билан ташриб буюришди, ҳозирги кунда у ерда ойналаш тизимларининг фабрикацияси режалаштирилган. Экскурсиялардан сўнг делегация Hilton меҳмонхонасига йўл олиб, унинг конференц-залларидан бирида меморандумни имзолаш расмий маросими бўлиб ўтди.

Маълумот учун

Koç Construction — қурилиш соҳасидаги етакчи компаниялардан бири бўлиб, у тўлиқ қурилиш, электр-монтаж ишлари, механик-монтаж ишлари, лойиҳалар бошқаруви билан шуғулланади. 3 қитъанинг 9 та мамлакатида, асосан, Осиёда ҳамда Европа ва Осиёда ишлаётган Koç Construction ўзининг Ўзбекистондаги фаолиятини ҳам давом эттириб, Тошкент, Самарқанд ва Бухородаги 15 та турли қурилиш майдонларида 3 500 нафардан зиёд ходимларини иш билан таъминламоқда.

AKFA Group — Ўзбекистоннинг энг йирик ишлаб чиқариш холдингларидан бири. Унинг таркибида 20 дан ортиқ ишлаб чиқариш мажмуаси бўлиб, улар алюмин ва ПВХ-профилларни, ойна-эшик ва фасад конструкцияларини, иситиш радиаторларини, алюмин-композит панелларни ва бошқа қурилиш материалларини ишлаб чиқариб келмоқда.

Реклама ҳуқуқи асосида.