“Barselona” bosh murabbiy Xavi La Liga 14-turi doirasida “Osasuna”ga qarshi kechgan o‘yindan (2:1) so‘ng o‘z fikrlari bilan o‘rtoqlashdi.
Katalonlar 0:1 ga yutqazayotgan vaqtda 31-daqiqada Robert Levandovski qizil kartochka olib maydonni tark etdi. Ikkinchi bo‘limda “ko‘k-anorranglilar” ikkita to‘p kiritgan holda, g‘alabani ilib ketdi.
O‘yin haqida“Barselona” 37 ochko to‘plagan holda musobaqa peshqadamligini saqlab turibdi.Jamoam bilan juda faxrlanaman. Bizning ichki muhit oila kabi. Hammasi bizga qarshi edi — hakamlar qarori, o‘tkazib yuborilgan gol, o‘n kishi bo‘lib qolish...
Aqlli o‘yin namoyish qildik va vaziyatlardan ustalik bilan foydalandik. Bu oltin g‘alaba — tanaffusga yetakchi sifatida yo‘l olamiz. Bu yutuq jamoadagi barchaga tegishli.
Hakamlik borasida
Aytishlaricha, “Osasuna” gol urgan vaqtda yaqqol qoida buzilishi bo‘lgan. Chetlatish... Menimcha, bu juda qattiqqo‘llik bilan chiqarilgan qaror. Biroq mening gaplarim ahamiyatga ega emas. Bu haqda gapira olmaydigan hakamlarning fikri muhim. O‘ylashimcha, u bunga tushuntirish berish kerak, sababi o‘rtaga juda ko‘p narsa tikilgan.
Levandovski va zaxira o‘rindig‘idagi Pikening chetlatilishi o‘yin mazmunini aks ettirib turibdi. Unda bizga nisbatan adolatsiz qarorlar chiqarildi.
Xavi, “Barselona” bosh murabbiyi
Izoh (0)