«Барселона» бош мураббий Хави Ла Лига 14-тури доирасида «Осасуна»га қарши кечган ўйиндан (2:1) сўнг ўз фикрлари билан ўртоқлашди.
Каталонлар 0:1 га ютқазаётган вақтда 31-дақиқада Роберт Левандовски қизил карточка олиб майдонни тарк этди. Иккинчи бўлимда «кўк-анорранглилар» иккита тўп киритган ҳолда, ғалабани илиб кетди.
Ўйин ҳақида«Барселона» 37 очко тўплаган ҳолда мусобақа пешқадамлигини сақлаб турибди.Жамоам билан жуда фахрланаман. Бизнинг ички муҳит оила каби. Ҳаммаси бизга қарши эди — ҳакамлар қарори, ўтказиб юборилган гол, ўн киши бўлиб қолиш...
Ақлли ўйин намойиш қилдик ва вазиятлардан усталик билан фойдаландик. Бу олтин ғалаба — танаффусга етакчи сифатида йўл оламиз. Бу ютуқ жамоадаги барчага тегишли.
Ҳакамлик борасида
Айтишларича, «Осасуна» гол урган вақтда яққол қоида бузилиши бўлган. Четлатиш... Менимча, бу жуда қаттиққўллик билан чиқарилган қарор. Бироқ менинг гапларим аҳамиятга эга эмас. Бу ҳақда гапира олмайдиган ҳакамларнинг фикри муҳим. Ўйлашимча, у бунга тушунтириш бериш керак, сабаби ўртага жуда кўп нарса тикилган.
Левандовски ва захира ўриндиғидаги Пикенинг четлатилиши ўйин мазмунини акс эттириб турибди. Унда бизга нисбатан адолатсиз қарорлар чиқарилди.
Хави, «Барселона» бош мураббийи
Изоҳ (0)