Qozog‘istonga bosh vaziri Alixon Smoilov mamlakatga kelayotgan rossiyaliklar soni barqarorlashib, normal holatga qaytganini ma’lum qildi, deb yozadi “RBK”.
Oktabr oyida Rossiyadan Qozog‘istonga kelgan fuqarolar soni 65 foizga kamaydi. Bu raqam Smoilovning Qozog‘istondagi rossiyaliklar soniga aniqlik kiritishni so‘ragan deputatlarning oktabr oyidagi murojaatiga bergan javobida keltirilgan.
Murojaat mualliflari, shuningdek, barcha kelganlarni moslashuv markazlarida madaniyat, qonunlar va qozoq tili kurslarini o‘tashga majburlashni, shuningdek, mamlakat xavfsizligiga tahdid solishi mumkin bo‘lgan ijtimoiy tarmoqlarni diqqat bilan kuzatib borishni taklif qilgan. Smoilov deputatlar talablarini ko‘rib chiqishga va’da berdi.
Rossiya federal xavfsizlik xizmati ma’lumotlariga ko‘ra, noyabr oyi boshida Qozog‘iston rossiyaliklarning ketishi uchun eng mashhur yo‘nalishlar uchligiga kirdi. Iyul-sentyabr oylarida deyarli 1,3 million kishi Rossiyadan Qozog‘istonga o‘tgan.
Izoh (0)