Buyuk Britaniyadagi Twitter xodimlari ertalab soat 3 da ishdan bo‘shatilgan. Ilon Mask butun dunyo bo‘ylab 3700 xodimni ishdan bo‘shatgani sababli uyqudan turib noutbuklar masofadan o‘chirilganini ko‘rganlarida ular ishdan bo‘shatilganini tushungan. Bu haqda Daily Mail yozmoqda.
Twitter xodimlari ishda qolgan yoki qolmaganliklari haqida to‘satdan xabar topishmoqda.
Twitter’ning britaniyalik xodimlari ish kompyuterlaridagi ma’lumotlar masofadan turib o‘chirilganda, o‘zlariga esa bo‘shaganliklari haqida elektron xabarnoma yuborilganda hali uxlab yotishgandi.
Kompaniyaning ta’kidlashicha, barcha xodimlar bugun Buyuk Britaniya vaqti bilan soat 16:00 da “Twitter’dagi rolingiz” nomli elektron xabar olishgan.
Menejerning aytishicha, u bir kun oldin ishni tugatgandan so‘ng, noutbukni o‘chirib, Slack platformasidan chiqqanidan keyin ishdan bo‘shatilgan.
Mask allaqachon Twitter’ning 8000 nafar xodimining yarmini ishdan bo‘shatgan va ishdan bo‘shatish davom etishi mumkin.
“Britaniyalik xodimlar noutbuklari “masofadan tozalanib”, Slack va Gmail’ga kirish imkoniyatidan mahrum qilinganda, ular hali uxlab yotishgandi”, deydi yana bir xodim.
“Hammaga katta hajmdagi shtatlar qisqarishi bo‘lishi haqida elektron pochta xabari keldi va taxminan bir soat o‘tgach, xodimlarning noutbuklarini masofadan o‘chirishdi va ularning Slack va Gmail’ga kirishlari bekor qilindi”, — deydi platforma menejeri Saymon Balmeyn.
“Ko‘pchilik britaniyaliklar uxlayotgan bo‘lsa kerak va hali buni bilishmaydi. Men asosan Los-Anjelesda loyihalar bo‘yicha ishlayman, shuning uchun bu sodir bo‘lganda uyg‘oq edim”, — deydi Saymon.
Ilon Mask Xellouin bayramida Twitter xodimlarini ishdan bo‘shatishni boshladi, kompaniya xodimlarini elektron pochta orqali ishdan bo‘shatish to‘g‘risida xabarlarga tayyorlanishlari haqida ogohlantirdi.
Mask 3700 nafar xodimni ishdan bo'shatishni rejalashtirmoqda, chunki u ijtimoiy tarmoqni sotib olgandan keyin xarajatlarni kamaytirishga harakat qilmoqda.
Izoh (0)