Буюк Британиядаги Twitter ходимлари эрталаб соат 3 да ишдан бўшатилган. Илон Маск бутун дунё бўйлаб 3700 ходимни ишдан бўшатгани сабабли уйқудан туриб ноутбуклар масофадан ўчирилганини кўрганларида улар ишдан бўшатилганини тушунган. Бу ҳақда Daily Mail ёзмоқда.
Twitter ходимлари ишда қолган ёки қолмаганликлари ҳақида тўсатдан хабар топишмоқда.
Twitter’нинг британиялик ходимлари иш компьютерларидаги маълумотлар масофадан туриб ўчирилганда, ўзларига эса бўшаганликлари ҳақида электрон хабарнома юборилганда ҳали ухлаб ётишганди.
Компаниянинг таъкидлашича, барча ходимлар бугун Буюк Британия вақти билан соат 16:00 да «Twitter’даги ролингиз» номли электрон хабар олишган.
Менежернинг айтишича, у бир кун олдин ишни тугатгандан сўнг, ноутбукни ўчириб, Slack платформасидан чиққанидан кейин ишдан бўшатилган.
Маск аллақачон Twitter’нинг 8000 нафар ходимининг ярмини ишдан бўшатган ва ишдан бўшатиш давом этиши мумкин.
«Британиялик ходимлар ноутбуклари «масофадан тозаланиб», Slack ва Gmail’га кириш имкониятидан маҳрум қилинганда, улар ҳали ухлаб ётишганди», дейди яна бир ходим.
«Ҳаммага катта ҳажмдаги штатлар қисқариши бўлиши ҳақида электрон почта хабари келди ва тахминан бир соат ўтгач, ходимларнинг ноутбукларини масофадан ўчиришди ва уларнинг Slack ва Gmail’га киришлари бекор қилинди», — дейди платформа менежери Саймон Балмейн.
«Кўпчилик британияликлар ухлаётган бўлса керак ва ҳали буни билишмайди. Мен асосан Лос-Анжелесда лойиҳалар бўйича ишлайман, шунинг учун бу содир бўлганда уйғоқ эдим», — дейди Саймон.
Илон Маск Хеллоуин байрамида Twitter ходимларини ишдан бўшатишни бошлади, компания ходимларини электрон почта орқали ишдан бўшатиш тўғрисида хабарларга тайёрланишлари ҳақида огоҳлантирди.
Маск 3700 нафар ходимни ишдан бўшатишни режалаштирмоқда, чунки у ижтимоий тармоқни сотиб олгандан кейин харажатларни камайтиришга ҳаракат қилмоқда.
Изоҳ (0)