Bugun,

  • USD 11095.31
  • RUB 173.84
  • EUR 10772.44

Shimoliy Koreya Yapon dengiziga noma’lum ballistik raketa uchirdi, deb xabar bermoqda Yonhap agentligi Janubiy Koreya harbiylariga tayanib. Bu KXDRning so‘nggi uch kun ichida to‘rtinchi marta raketa uchirishi. Agentlik aniqlik kiritishicha, bu safar Pxenyan uchta qisqa masofali ballistik raketani uchirgan.

Foto: Reuters

Foto: Reuters

KXDR Mehnat partiyasi markaziy qo‘mitasi kotibi Pak Chon Chxon AQSH va Janubiy Koreyaning Vigilant Storm keng ko‘lamli havo mashqlarini davom ettirish qarori “juda xavfli va noto‘g‘ri tanlov” bo‘lganini aytdi.

“AQSH va Janubiy Koreyaning mulohazasiz qarorlari qo‘shma kuchlarning provokatsion harbiy harakatlari natijasida yuzaga kelgan mavjud vaziyatni nazoratdan chiqib ketish bosqichiga olib bormoqda. Qo‘shma Shtatlar va Janubiy Koreya tuzatib bo‘lmas dahshatli xatoga yo‘l qo‘yganini tushunmoqda”, — deya uning so‘zlaridan iqtibos keltirdi Koreya markaziy telegraf agentligi.

AQSH va Janubiy Koreya hamkorligidagi Vigilant Storm havo mashg‘ulotlari 31-oktabrda boshlangan va 4-noyabrgacha davom etadi. Ularda 240 dan ortiq samolyotlar, jumladan Amerikaning ilg‘or F-35A yashirin qiruvchi samolyotlari ishtirok etmoqda. KXDRda ushbu mashg‘ulotlar bosqinga tayyorgarlik deb ko‘rilmoqda.

Oktabr oyida Shimoliy Koreya besh martadan ko‘proq raketalar uchirdi, shuningdek, qanotli raketalarni sinovdan o‘tkazdi. Bundan tashqari, Janubiy va Shimoliy Koreya harbiylari o‘rtasida 24-oktabr kuni otishma yuz berdi: KXDR kemasi Sariq dengizda demarkatsiya chizig‘ini kesib o‘tgani tufayli Seul ogohlantiruvchi o‘t ochdi, Pxenyan bunga javoban baravar o‘t ochish reaktiv tizimlaridan 10 ta snaryad uchirdi.

Izoh
Asosiy yangiliklar
Kino
Kino ijodkorlar tomonidan ishora qilingan, ammo ko‘pchilik payqamagan mashhur filmlardagi detallar (foto)
Dunyo
AQSH osmonida razvedkachi havo shari aniqlandi. Pentagon sharni Xitoyga tegishli deb hisoblamoqda (video)
Mahalliy
O‘zbekistonning qator hududlarida 4-fevral kuni ham yomg‘ir yog‘adi