O‘zbekistonda Payme, Click, Apelsin va boshqa to‘lov tashkilotlarining muhim funksiyalari ishlashdan to‘xtadi. Davlat soliq qo‘mitasi bu bo‘yicha munosabat bildirdi.
Ma’lum qilinishicha, to‘lov tizimlari operatorlari o‘z to‘lov tizimlarini onlayn NKMga majburiy ravishda ulash va shu orqali soliq organlarining axborot tizimlariga 2022-yil mart oyidan integratsiyalashni ta’minlash talabi o‘rnatilgan.
Aholi bilan pullik hisob-kitoblarni amalga oshirishda elektron to‘lov tizimi orqali elektron fiskal chek taqdim qilish tartibi belgilangan.
Shuningdek, mavjud 48 ta elektron to‘lov tashkilotidan 25 tasi fiskal ma’lumotlar operatoriga integratsiyani to‘liq yakunlagan.
Davlat soliq qo‘mitasiga ko‘ra, hozirgi kunda xaridlar uchun to‘lovlarni aksariyat hollarda P2P (kartadan kartaga o‘tkazish) qilish kuzatilmoqda.
Mamlakat iqtisodiyotini uzoq muddatli rivojlantirish borasida keng ko‘lamli islohotlar amalga oshirilayotgan sharoitda axborot texnologiyalari vositasida iste’molchilar, tadbirkorlik sub’ektlari va davlat soliq xizmati organlarining uyg‘unlashgan faoliyati alohida ahamiyat kasb etadi, — deyiladi xabarda.
Ma’lum qilinishicha, o‘tgan yilning mos davriga nisbatan xarid cheklari soni 185 foizga xarid summasi esa 176 foizga oshgan.
Avvalroq O‘zbekistonda xarid chekini ro‘yxatdan o‘tkazganlarga to‘langan keshbek 330 mlrd so‘mdan oshgani haqida xabar berilgandi.
Izoh (0)