Йил бошидан бери UzAuto Motors фойдаси 2 трлн сўмга яқинлашди

UzAuto Motors’нинг 2022 йилнинг январь—октябрь ойларидаги умумий тушуми 26,6 триллион сўмни ташкил этди. Бу ҳақда «Дарё»га компания молиявий ҳисоботидан маълум бўлди.

Бу кўрсаткич 2021 йилга нисбатан деярли икки баравар ошди — ўшанда 15,4 триллион сўм бўлган эди.

Йил бошидан бери сотилган маҳсулотлар таннархи ҳам сезиларли даражада ошди — 12,3 триллион сўмдан 22,83 триллион сўмга етди.

UzAuto Motors йил бошидан бери 358 миллиард сўм солиқ тўлаган. Компаниянинг учинчи чоракдаги тўлаган солиғи атиги 23,5 миллиард сўмни ташкил қилган.

Шундай қилиб, компаниянинг ярим йиллик соф фойдаси 1,83 триллион сўмни ташкил этди. Бу ўтган йилнинг шу даврига нисбатан бир ярим баробар кўпдир — ўшанда 1,25 миллиард сўм эди.

Компаниянинг жорий йил учинчи чоракдаги фойдаси 58,3 млрд сўмни ташкил қилиб аввалги чоракларга нисбатан кескин паст бўлди.

Аввалроқ UzAuto Motors Россия ва Швейцария банклари ўртасидаги можарога сабаб бўлган эди.