Davlat soliq qo‘mitasi to‘lov tizimlaridan joyida to‘lovlar, QR-kod orqali to‘lov, Telegram kanallarida to‘lov — barcha to‘lovlarni fiskallashtirishni talab qilgan. Bu haqda “Davletovuz” xabar bermoqda.
Natijada O‘zbekistonda 1-noyabrdan boshlab yirik to‘lov tashkilotlari — Payme, Click va banklarning ilovalari — Apelsin kabilar yuqoridagi to‘lov usullarini o‘chirishga majbur bo‘lmoqda.
Endilikda faqat naqd pul va karta orqali sotib olingan mahsulot hamda xizmatlar uchun to‘lash mumkin bo‘ladi.
Soliq qo‘mitasining tegishli xatida mazkur talablar ko‘rsatib o‘tilgan.
Holat yuzasidan Payme ilovasi quyidagicha izoh bermoqda.
Quyidagi xizmatlar: joyida to‘lovlar, QR-kod orqali to‘lov, Telegram kanallarida to‘lov – barcha to‘lovlarni fiskallashtirish bo‘yicha texnik ishlar olib borilayotgani sababli vaqtincha ishlamaydi.
Ayni paytda Respublikada chakana savdo va xizmatlar ko‘rsatish sohasida hisob-kitoblar tartibini takomillashtirish, ya’ni barcha to‘lovlarni fiskallashtirish bo‘yicha keng ko‘lamli ishlar amalga oshirilmoqda.
2022-yil 1-noyabrdan Davlat soliq qo‘mitasi tomonidan tasdiqlangan onlayn kassa mashinalari, to‘lov tashkilotlari va fiskal ma’lumotlar operatori o‘rtasidagi o‘zaro hamkorlik sxemasi kuchga kiradi hamda tasdiqlangan o‘zaro hamkorlik sxemasidan chetga og‘ishlar soliq organlari tomonidan sanksiyalar qo‘llanilishiga olib keladi.Apelsin ilovasi esa joyida to‘lovlar, QR-kod orqali to‘lov, Telegram kanallarida to‘lovlar joriy yilning 1-noyabridan vaqtincha mavjud emasligini ta’kidlab, holat yuzasidan #bizaybdoremasmiz heshtegini qo‘llagan.
Avvalroq O‘zbekistonda xarid chekini ro‘yxatdan o‘tkazganlarga to‘langan keshbek 330 mlrd so‘mdan oshgani haqida xabar berilgandi.
Izoh (0)