Deyarli har bir qiz poyabzal sotib olgach, kutilmagan muammoga duch keladi. Bunga yo‘l qo‘ymaslik uchun stilistlar hatto do‘konda ham maxsus tekshirish usullarini ishlab chiqdi, deb yozadi “Noviy ochag”.
Odatda poshnali tufli kiyishni deyarli barcha ayollar yoqtiradi. Lekin kun davomida unda harakatlanish oyoqda og‘riqlar keltirib chiqaradi. Shuning uchun ulardan osongina voz kechish emas, balki qulayini tanlashni bilish kerak.
Nima uchun oyoqda og‘riq paydo bo‘ladi?
Tadqiqotlar shuni ko‘rsatdiki, baland poshnali poyabzal oyoqning tag qismiga haddan tashqari bosim o‘tkazadi, bu esa og‘riq, bo‘g‘imlarda ortiqcha zo‘riqish va qadoqlarga olib kelishi mumkin. Poshna qanchalik baland bo‘lsa, yurish paytida mushaklarning muvozanati buzilishi ehtimoli shunchalik ko‘p bo‘lib, ularni haddan tashqari zo‘riqtiradi. Ushbu nomutanosiblik tizza va tovon og‘rig‘i kabi muammolarga olib kelishi mumkin.
Xarid qilishda asosiy yo‘l qo‘yiladigan xatolar
Noto‘g‘ri o‘lcham
Tufli xarid qilishda tovon va oyoq yoyi orasidagi bo‘shliqqa e’tibor berish lozim, bu ularning bir-biriga mosligi uchun zarur. Aks holda yurish vaqtida oyoqning poyabzalda siljishi va, albatta, og‘riq hamda noqulaylikka olib kelishi mumkin. Oyoq kiyimning o‘lchami yillar davomida o‘zgarib borayotganini bilib hayron bo‘lishingiz mumkin. O‘lchamning o‘zgarishi gormonal va yosh o‘tishi bilan yuzaga keladigan tabiiy yumshoq to‘qimalarning o‘zgarishi bilan izohlanadi. Shuning uchun har safar poyabzal xarid qilganda, oyoqlarning uzunligi va kengligini o‘lchashni unutmaslik muhim. Yodda tuting, poyabzal har doim ham yozilgan o‘lchamga to‘g‘ri kelavermaydi, shuning uchun eng qulayini topmaguncha bir nechtasini sinab ko‘rgan ma’qul.
Juda baland poshna
Juda baland poshna bilan bog‘liq eng keng tarqalgan muammolardan biri oyoq bo‘ylab og‘riqdir. Baland poshna to‘piq va tizzada ko‘proq zo‘riqishni keltirib chiqaradi, bu balandlik oshgani sayin ortadi. Chunki bu poyabzallar haddan tashqari tovon balandligiga ega, garchi o‘lchamlari juda kichik bo‘lsa ham. Shuning uchun poshnali tufli tanlashda o‘ta balandini xarid qilish qilish muammo tug‘dirishi shubhasiz. Klassik uslubdagi o‘rtacha va qalin poshnalar qomatni ham chiroyli ko‘rsatadi, oyoqlarda ham og‘riq keltirib chiqarmaydi.
Old qismi ochiq tufli
Ushbu modellarni oyoqda ushlab turadigan yagona narsa — bu to‘piq va barmoq sohasidagi ingichka tasma. Vazn oyoqqa yuklanganda, poyabzal tovonda ajralib chiqadi, bu esa noqulaylikni keltirib chiqaradi. Afsuski, bunday baland poshnalarda ham ko‘p harakatlanish qiyinchilik tug‘diradi. Shuning uchun oyoqning shakliga mos keladigan va uni poyabzalga mahkamlash uchun yetarli materialga ega bo‘lgan poyabzalni tanlash tavsiya etiladi.
Barmoqlarning noqulay holati
Oyoq barmoqlarining uchli tufliga siqilishini ko‘rish juda og‘riqli. Oyoq barmoqlarini tor joyga qo‘yish bilan bir qatorda, poyabzalning materiali oyoq barmoqlarini yetarlicha qoplamasligi muammosi ham mavjud. Bu ularni muvozanatni saqlash uchun ko‘proq zo‘riqishiga majbur qiladi. Shuning uchun barmoq qismida ko‘proq material va dumaloq shaklga ega poyabzallarni tanlash lozim.
Do‘konda poyabzalning qulayligini qanday aniqlash mumkin?
Buning uchun baland poshnali tuflini kiyish kerak. So‘ngra organizmni biroz oldinga egish lozim. Agar bunday harakat oson bo‘lsa, unda poyabzal noqulaylik tug‘dirmaydi. Agar harakatni takrorlash qiyin kechsa yoki uning amplitudasi juda kichik bo‘lsa, u holda poyabzal kundalik kiyish uchun mos kelmaydi.
Izoh (0)