Qizil go‘shtning organimzga salbiy tomonlari uzoq vaqtdan beri ma’lum. Ammo shunga qaramay, to‘g‘ri pishirish usuli tanlansa, uni oz miqdorda iste’mol qilish mumkin. Biroq ba’zi hollarda undan butunlay voz kechish tavsiya etiladi. “Lisa.ru” nashri aynan qaynday holatlarda go‘sht iste’mol qilish tavsiya etilmasligi haqda so‘z yuritdi.
Qizil go‘shtni muntazam iste’mol qilish yuqori xolesterin va qon bosimi xavfi bilan bog‘liq, hattoki saraton, diabet paydo bo‘lishini ham kuchaytirishi mumkin.
Muammolar faqatgina mahsulotning o‘zi tufayli paydo bo‘lmaydi. Hammasi uni qanday pishirishga bog‘liq. Qovurilgan va hatto ozgina pishirilgan, masalan, kanserogenlar onkologiyaga olib kelishi mumkin. Bundan tashqari, go‘sht mahsuloti ko‘pincha qayta ishlanadi va ko‘p tuzni (barcha kolbasa mahsulotlari) o‘z ichiga oladi, bu ham sog‘liq uchun foydali emas.
Ammo ba’zi odamlar sog‘lig‘i uchun qizil go‘sht yanada jiddiyroq ta’sir ko‘rsatishi mumkin. Parhezshunoslarning fikriga ko‘ra, uni umuman iste’mol qilmaslik kerak.
Xolesterin miqdori yuqori bo‘lganda
Agar xolesterin miqdori yuqori bo‘lsa, qizil go‘shtni iste’mol qilish uni kamaytirishga yordam bermaydi, balki uni yanada oshiradi. Shuning uchun qizil go‘shtni har oyda bir yoki ikki martadan ko‘p iste’mol qilishni cheklash kerak va buning o‘rniga yog‘siz go‘shtni tanlashga harakat qilish tavsiya etiladi.
Yurak-qon tomir tizimining buzilishida
Agar bemorda yurak xastaligi bilan bog‘liq xavf omillari bo‘lsa, masalan, yuqori qon bosimi, yuqori xolesterin, diabet, semirib ketish, hatto jismoniy faollik va to‘g‘ri ovqatlanishning yetishmasligida ham ratsiondan qizil go‘shtni chiqarib tashlash kerak.
Bunday odamlar yurak kasalliklarini rivojlanishiga ko‘proq moyil bo‘lib, boshqa patologiyalarning xavfi ham yuqori. Shuning uchun kam yog‘li mahsulotlarni, masalan, tovuq filesi, baliq, don mahsulotlarini iste’mol qilishi lozim.
Yurak kasalliklarida
Bunday holda qizil go‘shtni iste’mol qilishda juda ehtiyot bo‘lish kerak. Misol uchun, yurak-qon tomir kasalliklari bilan og‘rigan odam arteriyalarida tromblar to‘planishi mumkin. Ularga to‘yingan yoki trans yog‘lar kabi har qanday turdagi nosog‘lom yog‘lar iste’mol qilish tavsiya etilmaydi. Chunki bu yanada ko‘proq tromb paydo bo‘lishiga olib kelishi mumkin. Agar u yanada ko‘paysa, insult yoki infarkt kabi juda xavfli hodisalarga sabab bo‘lishi mumkin.
Murakkab buyrak kasalligida
Buyraklar yaxshi ishlamasa, oqsilga boy ratsion foydadan ko‘ra ko‘proq zarar yetkazishi mumkin. Bunday holda, buyraklar ishiga qarab oqsil iste’molini tana vaznining kilogrammiga mos ravishda kamaytirish tavsiya etiladi.
Alfa-gal sindromida
Ushbu sindrom qizil go‘shtga nisbatan allergiyaga olib kelishi mumkin. Qizig‘i shundaki, bu sindromli baliq va parranda go‘shtini iste’mol qilish mumkin. Alfa-gal shakar molekulasidir. Inson organizmida bu molekula yo‘q, lekin unga qarshi antitolalar mavjud bo‘lib, ular mahsulotlarga duch kelganda salbiy reaksiyaga sabab bo‘ladi. Ushbu sindromda qizil go‘shtni iste’mol qilish ko‘ngil aynishi, qayt qilish, jig‘ildon qaynashi, diareya, yo‘tal, bosimning pasayishi, kuchli qorin og‘rig‘i, tomoq shishishiga olib kelishi mumkin.
Saraton kasalligiga genetik moyillikda
Ba’zi tadqiqotlar qizil go‘shtni tez-tez iste’mol qilishni yo‘g‘on ichak saratoni xavfi bilan bog‘laydi. Shuning uchun ushbu turdagi saraton kasalligiga chalingan odamlarning qarindoshlari qizil go‘sht iste’mol qilishda ko‘proq ehtiyot bo‘lishi kerak.
Izoh (0)