Hali ko‘zingizni ochmasingizdan, boshingiz yorilgudek bo‘lib og‘riyaptimi? Dam olgan holda uyg‘onish o‘rniga holdan toygandek bo‘lasiz. Bu keng tarqalgan muammo. Quyida ertalab uyqudan keyin nima uchun bosh og‘riyotganini va nima qilish kerakligini bilib oling.
Uyqusizlik
Uyqu sifati ertalabki holatga bevosita ta’sir qiladi. Notinch uyqu bosh og‘rig‘iga sabab bo‘lishi mumkin, yaxshisi esa yengillashtiradi. Agar siz yaxshi uxlamasangiz, ertalab o‘zingizni yaxshi his qilmasligingiz aniq.
Uyqusizlikni davolash muammoning ildizidan boshlanadi. Uyqusizlik ham asosiy muammo, ham boshqa holatlarning ta'siri bo‘lishi mumkin. Surunkali uyqusizlik ko‘p narsa sabab bo‘lishi mumkin, ba'zi ruhiy kasalliklardan tortib stressgacha. Buning uchun shifokor bilan maslahatlashish lozim.
Apnoe
Apnoe sindromi bu — odamlar uxlayotganlarida nafas olishni qayta-qayta to‘xtatishga olib keladigan jiddiy holat. Kislorod yetishmasligi boshdagi bosimning oshishiga olib kelishi mumkin, bu esa bosh og‘rig‘iga sabab bo‘ladi.
Sizda uyqu apnoesi bor yoki yo‘qligini aniqlash qiyin bo‘lishi mumkin, lekin ko‘p xurrak otishingizdan shikoyat qilishsa va ko‘p uxlaganingizga qaramay, o‘zingizni tez-tez charchagan his qilsangiz, buning sababi uyqu apnoesi bo‘lishi mumkin.
Migren xuruji
Migren bilan og‘rigan bemorlar odatda bir vaqtning o‘zida bir nechta xurujlarni boshdan kechiradi.
Migren genetik jihatdan irsiy nevrologik kasallikdir. Uning sabablari orasida stress, yomon uyqu va ovqatlanish mavjud. Agar sizda migren borligiga ishonchingiz komil bo‘lsa, davolanishingizni rejalashtirishga yordam beradigan nevrolog ko‘rigidan o‘ting.
Kechasi tish qitirlatish
Tishlarn qitirlatish temporomandibular bo‘g‘imlarda kuchlanishni keltirib chiqarishi mumkin, bu esa pastki jag‘ni quloq oldidagi bosh suyagi bilan bog‘laydi, shuningdek, jag‘ holatini o‘zgartiradi. Bularning barchasi bosh og‘rig‘iga aylanishi mumkin bo‘lgan kuchlanishga olib keladi. Bundan tashqari, jag‘ingizda qisirlash, og‘riq yoki tishlaringizdagi sezgirlikni his qilishingiz mumkin.
Bundan xalos bo‘lish uchun tish shifokori bilan gaplashish kerak — u kechasiga maxsus himoya tish qoplamalarini tavsiya qiladi.
Og‘riq qoldiruvchi vositalarni qabul qilish
Ko‘p miqdorda retseptsiz og‘riq qoldiruvchi vositalarni qabul qilish bosh og‘rig‘iga olib kelishi mumkin. Ularni muntazam ravishda qabul qilish, hatto vaqti-vaqti bilan bosh og‘rig‘ini surunkali holatga aylantirishi mumkin.
Xavotir va depressiya
Depressiya va xavotir ham uyqu sifatiga salbiy ta’sir qiladi, migren bilan og‘rigan odamlar depressiya va xavotirdan ko‘proq azob chekishadi.
Oziq-ovqatga allergiya
Oziq-ovqatga allergiya yoki oziq-ovqat sezgirligi migrenni qo‘zg‘atishi mumkin (20% hollarda). Buning sababi tananing har qanday mahsulotga reaksiyasi bo‘lgan yallig‘lanish bo‘lishi mumkin.
Uyqudan keyingi bosh og‘rig‘ini qanday davolash kerak?
- To‘g‘ri davolash simptomga nima sabab bo‘lganiga bog‘liq. Dori-darmon sifatida yallig‘lanishga qarshi, og‘riq qoldiruvchi vositalarni qo‘llash mumkin
- Retseptsiz og‘riq qoldiruvchi vositalar vaqtinchalik yordam beradi, lekin birinchi navbatda noqulaylik sababini aniqlash kerak. Misol uchun, kuniga 8+ soat davomida noutbukda o‘tirish bosh og‘rig‘iga sabab bo‘ladigan bo‘yin va yelka uvishishiga olib kelishi mumkin; fizioterapevt mushaklarni bo‘shashtirishga yordam beradi va ishlayotganingizda qanday holatda bo‘lishni o‘rgatadi.
- Boshqa muolajalar issiq yoki sovuq kompresslar, iliq dush yoki massajlarni o‘z ichiga oladi.
- Muammo kasallik bilan bog‘liq bo‘lsa, shifokorga murojaat qiling. Bunday holatda davolanish faqat shifokor tomonidan belgilanadi.
Izoh (0)