Toshkent viloyatining Yuqori Chirchiq tumanida 30 ming dollar evaziga AQSH vizasi olib bermoqchi bo‘lgan shaxs ushlandi.
Ma’lum bo‘lishicha, J.O. fuqaro A.ning ishonchiga kirib, go‘yoki AQSH elchixonasida ishlovchi tanishlari orqali 30 000 AQSH dollari evaziga unga chet davlatga chiqish huquqini beruvchi viza hujjatlarini tayyorlab berishini aytgan.
Oldindan 10 ming dollarini olgan vaqtida Bosh prokuratura huzuridagi departamentning Yuqori Chirchiq tuman bo‘limi tomonidan DXX xodimlari bilan hamkorlikda o‘tkazilgan tezkor tadbirda ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)