Тошкент вилоятининг Юқори Чирчиқ туманида 30 минг доллар эвазига АҚШ визаси олиб бермоқчи бўлган шахс ушланди.
Маълум бўлишича, Ж.О. фуқаро А.нинг ишончига кириб, гўёки АҚШ элчихонасида ишловчи танишлари орқали 30 000 АҚШ доллари эвазига унга чет давлатга чиқиш ҳуқуқини берувчи виза ҳужжатларини тайёрлаб беришини айтган.
Олдиндан 10 минг долларини олган вақтида Бош прокуратура ҳузуридаги департаментнинг Юқори Чирчиқ туман бўлими томонидан ДХХ ходимлари билан ҳамкорликда ўтказилган тезкор тадбирда ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)