“Navbahor” bosh murabbiyi Samvel Babayan O‘zbekiston Kubogi finali doirasida “Nasaf”ga qarshi kechgan o‘yindagi (1:2) mag‘lubiyatdan keyin o‘z fikrlari bilan bo‘lishdi.
O‘yin haqidaMavzuga doir: Ro‘ziqul Berdiyev: “Nasaf” ayni vaqtda “Paxtakor” darajasiga chiqib bo‘ldiBirinchi navbatda “Nasaf”ni g‘alaba bilan tabriklayman. Uchrashuv teng kurashlar ostida o‘tdi. Hech bir jabhada ulardan qolishdik demagan bo‘lardim. Faqat bu uchrashuvda biz ulardan bitta kam gol urdik. Bizda ham bir nechta yaxshi imkoniyat bo‘ldi. Muxlislarga rahmat aytaman, ular biz uchun uzoq yo‘l bosib keldi va bizni oxirgacha qo‘llab turdi.
O‘yinda borini berib harakat qilgan futbolchilarga ham rahmat aytaman, ular oxirgi kuchiga qadar kubokni Namanganga olib ketish uchun harakat qildi. Afsuski, buni uddalay olmadik. Endi Superliganing uchta bahsiga maksimal tayyorgarlik ko‘rishga harakat qilamiz.
“Navbahor”ning rejasi ikkinchi raqamda harakat qilish bo‘lmagani borasida
Yo‘q, unday emas. Agar ko‘rgan bo‘lsangiz, raqib jarima maydonchasining atrofida pressing qilishni boshladik. Biroq maydon markazida ozgina muammolar bor edi va buni tanaffusda to‘g‘rilashga harakat qildik, ikkinchi bo‘limda jamoa boshqacha o‘yin ko‘rsatishni boshladi. Ikkinchi bo‘limda barchasini to‘g‘riladik va o‘yinda ustunlikka erishdik.
O‘zgarishlarni o‘yin yakuniga yaqin amalga oshirgani borasida
Bizda jarohat olgan o‘yinchilar yetarli. Shu sabab ham kichik jarohatlari bor bo‘lgan Turopov va Yaxshiboyevni uchrashuvning so‘nggi daqiqalarida tushirishga majbur bo‘ldik. Afsuski, ular jarohati bor bo‘lib o‘yinga qo‘shilishga majbur bo‘ldi. Bizda o‘yinni kuchaytira oladigan boshqa futbolchilar yo‘q.
“Navbahor”dagi kelajagi haqida
Murabbiy ishlaydi va qachondir uning shartnomasi yakunlanadi. Biz kecha barqarorlik haqida gaplashdik. Biz yil davomida qilgan ishlarimiz kam emas deb o‘ylayman. “Nasaf”ning asosiy kuchi doim tarkib barqaror, murabbiy ham ancha yillardan beri ishlab kelmoqda. Ular bitta ritmda harakat qilmoqda.
Biz ham sabr qilib, olg‘a harakat qilsak barqarorlik bo‘ladi. “Navbahor”da uzoq yillar davomida o‘yinchilar va murabbiylar almashinuvi doim kuzatilgan va shu sababli ham barqarorlik yo‘qolgan, natija bo‘lmagan. Bizga ozgina omad yetishmadi, yaxshi vaziyatlarni yaratdik, biroq o‘xshamadi. Agar barqarorlik bo‘lsa, hammasi yaxshi bo‘ladi.
Namanganlik muxlislarning bosim borasida
Yana bir bor ta’kidlayman, birinchi davrada ko‘plab futbolchilarni taklif qildik, ikkinchi davrada yana ko‘plab o‘zgarishlarni amalga oshirdik. Futbolchi bo‘ladimi murabbiymi Namanganda ishlash uchun katta bosimni yengib o‘tishi lozim. Final hech qanday bosim bo‘lmadi. Biz muxlislardan faqat kuch oldik.
Muxlislarga rahmat aytamiz, ular biz uchun uzoq yo‘l bosib keldi. Biz ham ularga katta bayram qilib berishni istagan edik. Biroq bugun bizning kun emas ekan, biroq keyingi uchta turda muxlislarni xursand qilish uchun bor kuchimizni beramiz.
Samvel Babayan, “Navbahor” bosh murabbiyi
Izoh (0)