Futbol bo‘yicha Ispaniya La Ligasining 12-turida “Real” 30-oktabr, yakshanba kuni “Jirona”ga qarshi bahs olib bordi.
Uchrashuvning birinchi bo‘limida hisob ochilmadi. O‘yindagi dastlabki gol 70-daqiqaga kelib urildi: Federiko Valverdening uzatmasini Vinisius Junior gol bilan yakunladi.
80-daqiqada mehmonlar penaltidan hisobni tenglashtirdi, Kristian Stuani mo‘ljalda adashmadi. Qo‘shib berilgan vaqtda Toni Kroosning chetlatilishidan keyin “Real” bir o‘yinchi kam bo‘lib qoldi. Shu tariqa 1:1 hisobi o‘yin so‘ngiga qadar o‘zgarmadi.
“Real” 32 ochko bilan peshqadam bo‘lib turibdi. “Jirona” ochkolarini 10 taga yetkazib olgan holda 16-pog‘onaga ko‘tarildi.
La Liga
12-tur bahsi
30-oktabr, yakshanba
“Real Madrid” — “Jirina” 1:1
Gollar: 1:0 – 70 Vinisius Junior, 1:1 – 80, penalti Stuani.“Real Madrid”: Kurtua, Karvaxal, Alaba, Ryudiger, Mendi (Militao, 87), Modrich, Kroos, Kamavinga (Asensio, 61), Valverde (Mariano Dias, 86), Vinisius Junior, Rodrigo.
“Jirona”: Gassaniga, Yan Kouto (Rikelme, 58), Martines, David Lopes, Bueno, Migel Gutyerres (Xavi, 63), Fernandes (Toni Vilya, 76), Romeu, Aleish Garsiya, Errera (Reyner, 76), Kastelyanos (Stuani, 76).
Ogohlantirishlar: David Lopes (51), Kroos (55), Gassaniga (59), Modrich (75), Martines (90+5).
Chetlatish: Kroos (90).
Izoh (0)