Joriy yilning sentabr oyida O‘zbekistondagi kompaniyalarning faolligi va brendlarni ro‘yxatga olish jarayonlari tahlil qilindi. Bu haqda “Daryo”ga Iqtisodiy tadqiqotlar va islohotlar markazi xabar bermoqda.
Faoliyat yuritayotgan kompaniyalar bo‘yicha komponent 2022-yil sentabr oyida 1,0904 birlikni tashkil etib, o‘tgan oyga nisbatan 9 foizga oshgan.
2022 -yil sentabr oyida barcha turdagi kompaniyalar soni 2021-yilning sentabr oyiga (584 221 birlik) nisbatan 37 739 taga ko‘payib, 621 960 birlikni tashkil etgan.
Yirik tadbirkorlik bilan shug‘ullanuvchi korxonalar soni 538 taga oshgan.
Hisobot davrida, kichik korxonalar soni 472 273 tadan 509 720 tagacha ko‘paygan (o‘sish 37 447 ta). Fermer xo‘jaliklari soni 108 873 tadan 108 627 tagacha (kamayish 246 ta) kamaygan.
Yirik tadbirkorlik bilan shug‘ullanayotgan subyektlar soni 3 613 tani tashkil etib, 2021 yilning sentabr oyiga nisbatan 538 taga ko‘paygan.
Brendlarni ro‘yxatga olish
2022-yil sentabr oyida savdo belgilari muhofazasi bo‘yicha biznes faolligi indeksi 0,9671 birlikni tashkil etib, ushbu ko‘rsatkich 2021-yilning sentabr oyiga nisbatan 3,3 foizga kamaygan.
Joriy yilning sentabr oyida yuridik shaxslar tomonidan 206 ta tovar belgilari va tovar nomlari ro‘yxatga olingan.
Izoh (0)