O‘zbekistonda eng ko‘p uyushmagan savdo amalga oshirilgan hududlar ma’lum qilindi

Davlat statistika qo‘mitasi 2022-yil yanvar—sentabr oylari bo‘yicha uyushmagan savdo aylanmasi hajmini e’lon qildi.

Respublika bo‘yicha uyushmagan savdo aylanmasi 17,8 trln so‘m, ya’ni 2021-yilning yanvar—sentyabr oylariga nisbatan 13,3 foizga o‘sgan.

Tarkibiy qismlari 45,2 foiz dehqon bozorlari va 54,8 foiz chorva bozorlari hissasiga to‘g‘ri keldi.

Eng yuqori ulushga ega hududlar Surxondaryo (11,1 foiz), Andijon (10,9 foiz) va Namangan (10,6 foiz) hisoblanadi.

Shu jumladan, dehqon bozorlarida savdo faoliyati bilan shug‘ullanuvchi jismoniy shaxslarning uy xo‘jaliklarida yetishtirgan mahsulotlarini sotish hajmi 8 mlrd so‘mni tashkil etgan.

Bunda asosiy yirik hajm yangi uzilgan qishloq xo‘jaligi mahsulotlari savdosiga (3,7 mlrd so‘m) to‘g‘ri keldi.

Chorva mollari va parrandalar sotuvchi jismoniy shaxslarning savdo aylanmasi hajmi 9,7 mlrd so‘mni tashkil etgan.

Bunda har xil yoshdagi qoramollar savdosi 7,6 mlrd so‘mni, qo‘y va echkilar 1,6 mlrd so‘mni, otlar 340 mlrd so‘mni, parrandalar 49,7 mlrd so‘mni tashkil etgan.