Bugun,

  • USD 11095.31
  • RUB 173.84
  • EUR 10772.44

Yaponiya hukumati AQSHga murojaat qilib, unga Amerikada ishlab chiqarilgan Tomahawk qanotli raketalarini sotishni so‘radi. Bu haqda Yomiuri gazetasi xabar bermoqda.

Foto: EPA

Foto: EPA

Vashington bu tashabbusga ijobiy munosabat bildirgan, raketalarni yetkazib berish bo‘yicha muzokaralar esa allaqachon yakunlovchi bosqichga o‘tgan.

Bitta raketa narxi 1,3 million dollargacha yetishi mumkin. Ularning uchish masofasi qariyb 1,2 ming kilometrga teng.

O‘z arsenaliga Tomahawk raketalarini qo‘shish orqali Yaponiya tiyib turish salohiyatini mustahkamlashga va tegishli xavf yuzaga kelgan taqdirda, potensial dushman bazalariga zarbalar berish vositasiga ega bo’lishga umid qilmoqda.

KXDR Yaponiyaga qarata ballistik raketa uchirdi

Eslatib o‘tamiz, KXDR 4-oktabr kuni ertalab Yaponiyaga qarata ballistik raketa uchirdi, u Xokkaydo prefekturasi ustidan uchib o‘tib, Tinch okeaniga quladi. Shundan keyin Yaponiya hukumati havo trevogasini e’lon qilib, osmondan raketa bo‘laklari tushishi ehtimoli haqida ogohlantirdi. So‘nggi marta KXDR raketasi Yaponiya hududidan uchib o‘tishi 5 yil avval sodir bo‘lgandi. KXDR tomonidan uchirilgan raketa kuzatuvlar tarixida birinchi marta 4600 km masofani bosib o‘tgan.

Ko‘p o‘tmay, AQSH Harbiy-dengiz kuchlari va Yaponiyaning quruqlikdagi o‘zini-o‘zi mudofaa qilish kuchlari HIMARS baravar o‘t ochuvchi reaktiv tizimlari yordamida qo‘shma mashg‘ulot o‘tkazdi.

Yaponiya harbiy imkoniyatlarini o‘zgartirmoqchi

Iyun o‘rtalarida Yaponiya hukumati xalqaro maydondagi vaziyat tufayli yaqin besh yil ichida mamlakatning harbiy imkoniyatlarini keskin oshirishni maqsad qilgani ma’lum bo‘lgandi. Bu haqda Yaponiya bosh vaziri “Shangri-La” muloqoti nomini olgan xavfsizlik bo‘yicha Osiyo sammitida ma’lum qilgan.

“Kisida xavfsizlik sohasidagi vaziyat tobora keskinlashib borayotganini qayd etdi, Yaponiya keyingi besh yil ichida harbiy imkoniyalatlarini oshiradi, biroq betaraflik pozitsiyasini ham saqlab turadi”, – deya xabar qilgan Kyodo.

Undan avval ham, may boshida Yaponiya mudofaa vaziri Nobuo Kisi Pentagon rahbari Lloyd Ostin bilan uchrashuvda Tokioning harbiy potensialini yaxshilashni rejalashtirayotganini aytgandi.

Izoh
Asosiy yangiliklar
Dunyo
Hindlar tomonidan vayron qilingan Bobur masjidi, Monrealdagi politexnika institutidagi qizlarning o‘ldirilishi va Moskvada portlovchi moddalar ortilgan vagon halok...
Dunyo
Rossiya Ukrainaga 70 ta raketa bilan zarbalar berdi, to‘rt kishi halok bo‘ldi
Mahalliy
Farg‘onada profilaktika inspektori o‘zini otib qo‘ydi