Toshkent shahrida joylashgan Alisher Navoiy nomidagi O‘zbekiston milliy kutubxonasi 1-noyabrdan test rejimida 24/7 ishlashni boshlaydi. Bu haqda Yoshlar ishlari agentligi direktori Alisher Sa’dullayev o‘zining Twitter sahifasida ma’lum qildi.
Talablaringizga ko‘ra, Milliy kutubxona 1-noyabrdan test rejimida 24/7 ishlashni boshlaydi. Tartiblari haqida alohida matbuot anjumani ham reja qilinmoqda. Milliy kutubxona xodimlari va AOKA ma’lumotlarni e’lon ham qilishdi, — deyiladi tvitda.
Ma’lumot uchun, ayni paytda vazirlik va idoralar bilan jarayonni rasmiy yo‘lga qo‘yish ishlari davom etmoqda. Xususan, xodimlarning tungi ish vaqti, mehnat tartibi va maosh to‘lash kabi masalalarni hal etish choralari ko‘rib chiqilmoqda.
Hozirda Milliy kutubxona ish kunlari soat 8:00 dan 21:00 ga qadar, dam olish (shanba va yakshanba) kunlari esa 9:00 dan 17:00 ga qadar kitobxonlarni qabul qiladi.
Izoh (0)