Bugun va ertaga respublika hududi iliq va biroz nam havo massalari ta’siri ostida bo‘ladi, deb xabar bermoqda “O‘zgidromet”.
28-oktabr, juma kuni kechga tomon va ertaga respublikaning ayrim hududlarida biroz yomg‘ir yog‘ishi mumkin. Havo harorati kechalari 5-10 daraja iliq, kunduz kunlari 16-21 daraja atrofida bo‘ladi.
Yakshanba kuni respublika hududiga Volga bo‘yi hududidan sovuq antisiklon kirib keladi. Respublika bo‘yicha yomg‘ir yog‘adi, ba’zi joylarda kuchli bo‘ladi. Buxoro, Navoiy viloyatlarida kechasi va ertalab yomg‘ir yog‘adi. Qoraqalpog‘iston Respublikasi, Xorazm viloyatida yog‘ingarchilik kutilmaydi.
Kunduzi havo harorati 10-15 darajagacha pasayadi.
Dushanba kuni kuchli yomg‘ir yog‘ishi faqat sharqiy hududlarda saqlanib turadi. Farg‘ona vodiysi viloyatlarida yomg‘ir yog‘adi, ba‘zi joylarda kuchli bo‘ladi. Qolgan hududlarda yog‘ingarchilik kutilmaydi. Kunduzi havo harorati quyosh isishi hisobiga 13-18 darajacha ko‘tariladi.
Respublikaning tog‘li hududlarida 29—31-oktabr kunlari vaqti-vaqti bilan yog‘ingarchilik (yomg‘ir, qor), 30—31-oktabrda ba’zi joylarda kuchli bo‘lishi kutilmoqda.
30-—31-oktabrda Qoraqalpog‘iston Respublikasi, Xorazm, Buxoro, Navoiy, Surxondaryo, Farg‘ona viloyatlarida ba‘zi joylarda shamol 15-20 metr/sekundgacha kuchayishi, ayrim joylarda chang-to‘zonlar kuzatilishi kutilmoqda. Respublika bo‘yicha ba‘zi joylarga tuman tushishi mumkin.
Izoh (0)