Тошкент шаҳрида жойлашган Алишер Навоий номидаги Ўзбекистон миллий кутубхонаси 1 ноябрдан тест режимида 24/7 ишлашни бошлайди. Бу ҳақда Ёшлар ишлари агентлиги директори Алишер Саъдуллаев ўзининг Twitter саҳифасида маълум қилди.
Талабларингизга кўра, Миллий кутубхона 1 ноябрдан тест режимида 24/7 ишлашни бошлайди. Тартиблари ҳақида алоҳида матбуот анжумани ҳам режа қилинмоқда. Миллий кутубхона ходимлари ва АОКА маълумотларни эълон ҳам қилишди, — дейилади твитда.
Маълумот учун, айни пайтда вазирлик ва идоралар билан жараённи расмий йўлга қўйиш ишлари давом этмоқда. Хусусан, ходимларнинг тунги иш вақти, меҳнат тартиби ва маош тўлаш каби масалаларни ҳал этиш чоралари кўриб чиқилмоқда.
Ҳозирда Миллий кутубхона иш кунлари соат 8:00 дан 21:00 га қадар, дам олиш (шанба ва якшанба) кунлари эса 9:00 дан 17:00 га қадар китобхонларни қабул қилади.
Изоҳ (0)