Futbol bo‘yicha Chempionlar Ligasining 5-turidan o‘rin olgan qator o‘yinlar 26-oktabr, chorshanba kuni bo‘lib o‘tdi.
“Bavariya” “Kamp Nou”da “Barselona” mehmoni bo‘ldi va 3:0 hisobida zafar quchdi. Sadio Mane, Erik Shupo-Moting va Benjamin Pavar myunxenliklarning gollariga mualliflik qildi.
Nemis klubi ochkolarini 15 taga yetkazdi va guruhda yakka peshqadamlik qilmoqda. “Barselona” esa 4 ochko jamg‘arib, 3-o‘rinda qoldi va Yevropa Ligasiga yo‘l oladigan bo‘ldi.
“Tottenhem” esa “Sporting” bilan bahs olib bordi. Uchrashuvning 22-daqiqasida Markus Edvards hisobni ochdi. Faollik bilan uyushtirilgan qator hujumlardan so‘ng “shporlar” a’zosi Rodrigo Bentankur hisobni tenglashtirdi.
Guruhning ikkinchi o‘yinida “Ayntraxt” “Marsel”ni 2:1 hisobida mag‘lub etdi.
Antonio Konte shogirdlari ochkolarini 8 taga yetkazib, D guruhi yetakchisi bo‘lib turibdi. “Sporting” esa 7 ochko bilan London klubini ta’qib qilmoqda. Xuddi shuncha ochko bilan “Ayntraxt” 3-o‘rinda, “Marsel” esa 6 ochko bilan 4-pog‘onada joylashgan.
YChL
5-tur bahslari
26-oktabr, chorshanba
“Barselona” – “Bavariya” 0:3
Gollar: 0:1 – 10 Mane, 0:2 – 31 Shupo-Moting, 0:3 – 90 Pavar.“Barselona”: ter Stegen, Belyerin, Alonso, Kunde (Erik Garsiya, 68), Balde, Buskets (Ferran Torres, 58), Kessie, de Yong, Pedri (Rafinya, 59), Levandovski (Torre, 82), Dembele (Fati, 68).
“Bavariya”: Ulrayx, Mazraui (Stanishich, 79), Upamekano (Pavar, 63), de Ligt, Devis, Goretska (Zabitser, 46), Kimmix, Shupo-Moting (Myuller, 63), Mane, Gnabri, Musiala (Gravenberx, 67).
Ogohlantirishlar: Mazraui (16), Goretska (23), Upamekano (35), Buskets (41).
“Tottenhem” – “Sporting” 1:1
Gollar: 0:1 – 22 Edvards, 1:1 – 80 Bentankur.“Tottenhem: Lyoris, Doerti (Hil, 71), Dayer, Devis (Langle, 81), Romero, Perishich, Hyoyberg, Bentankur, Son Hyon Min, Lukas Moura (Emerson, 82), Keyn.
“Sporting”: Adan, Porro, Koates, Mateus Reys, Inasiu, Nunu Santush (Nazinyu, 62), Ugarte, Morita (Mateush Fernandesh, 61), Paulinyu (Sen-Jyust, 75), Edvards (Issahaku, 71), Trinkau (Artur, 71).
Ogohlantirishlar: Koates (41), Romero (67), Ugarte (83).
Izoh (0)