Футбол бўйича Чемпионлар Лигасининг 5-туридан ўрин олган қатор ўйинлар 26 октябрь, чоршанба куни бўлиб ўтди.
«Бавария» «Камп Ноу»да «Барселона» меҳмони бўлди ва 3:0 ҳисобида зафар қучди. Садио Мане, Эрик Шупо-Мотинг ва Бенжамин Павар мюнхенликларнинг голларига муаллифлик қилди.
Немис клуби очколарини 15 тага етказди ва гуруҳда якка пешқадамлик қилмоқда. «Барселона» эса 4 очко жамғариб, 3-ўринда қолди ва Европа Лигасига йўл оладиган бўлди.
«Тоттенҳэм» эса «Спортинг» билан баҳс олиб борди. Учрашувнинг 22-дақиқасида Маркус Эдвардс ҳисобни очди. Фаоллик билан уюштирилган қатор ҳужумлардан сўнг «шпорлар» аъзоси Родриго Бентанкур ҳисобни тенглаштирди.
Гуруҳнинг иккинчи ўйинида «Айнтрахт» «Марсель»ни 2:1 ҳисобида мағлуб этди.
Антонио Конте шогирдлари очколарини 8 тага етказиб, D гуруҳи етакчиси бўлиб турибди. «Спортинг» эса 7 очко билан Лондон клубини таъқиб қилмоқда. Худди шунча очко билан «Айнтрахт» 3-ўринда, «Марсель» эса 6 очко билан 4-поғонада жойлашган.
ЕЧЛ
5-тур баҳслари
26 октябрь, чоршанба
«Барселона» – «Бавария» 0:3
Голлар: 0:1 – 10 Мане, 0:2 – 31 Шупо-Мотинг, 0:3 – 90 Павар.«Барселона»: тер Стеген, Бельерин, Алонсо, Кунде (Эрик Гарсия, 68), Бальде, Бускетс (Ферран Торрес, 58), Кессиэ, де Йонг, Педри (Рафинья, 59), Левандовски (Торре, 82), Дембеле (Фати, 68).
«Бавария»: Ульрайх, Мазрауи (Станишич, 79), Упамекано (Павар, 63), де Лигт, Дэвис, Горетцка (Забитцер, 46), Киммих, Шупо-Мотинг (Мюллер, 63), Мане, Гнабри, Мусиала (Гравенберх, 67).
Огоҳлантиришлар: Мазрауи (16), Горетцка (23), Упамекано (35), Бускетс (41).
«Тоттенҳэм» – «Спортинг» 1:1
Голлар: 0:1 – 22 Эдвардс, 1:1 – 80 Бентанкур.«Тоттенҳэм: Льорис, Доэрти (Ҳил, 71), Дайер, Дэвис (Лангле, 81), Ромеро, Перишич, Ҳёйберг, Бентанкур, Сон Ҳён Мин, Лукас Моура (Эмерсон, 82), Кейн.
«Спортинг»: Адан, Порро, Коатес, Матеус Рейс, Инасиу, Нуну Сантуш (Назиню, 62), Угарте, Морита (Матеуш Фернандеш, 61), Паулинью (Сен-Жюст, 75), Эдвардс (Иссаҳаку, 71), Тринкау (Артур, 71).
Огоҳлантиришлар: Коатес (41), Ромеро (67), Угарте (83).
Изоҳ (0)