O‘zbekiston iste’molchilar huquqlarini himoya qilish jamiyatlari federatsiyasiga 2022-yil 9 oyi davomida fuqarolardan jami 10 777 ta murojaat kelib tushgan bo‘lib, 34 milliard so‘mdan ortiq mablag‘ iste’molchilar foydasiga hal etildi. Bu haqda federatsiya matbuot xizmati “Daryo”ga ma’lum qildi.
Mazkur ariza va shikoyatlarning 10 087 tasi, ya’ni 93,6 foizi ijobiy hal etilishi natijasida iste’molchilar foydasiga jami 34 444 266 276 (o‘ttiz to‘rt milliard to‘rt yuz qirq to‘rt million ikki yuz oltmish olti ming ikki yuz yetmish olti) so‘m yetkazilgan zarar qayta hisob-kitob qilib berildi.
Federatsiya va uning hududiy ijro organlari tomonidan kelib tushgan 72 ta murojaat asosida iste’molchilarning manfaatlarini ko‘zlab sud organlariga da’vo arizalari kiritilishi va ijobiy hal etilishi natijasida 1 989 315 487 (bir milliard to‘qqiz yuz sakson to‘qqiz million uch yuz o‘n besh ming to‘rt yuz sakson yetti) so‘m moddiy va ma’naviy zararlar iste’molchilar foydasiga qayta hisob-kitob qilindi.
Iste’molchilardan kelib tushgan murojaatlarning katta qismi
- savdo sohasiga 4853 ta (jami arizalarning 45 foizi);
- tabiiy gaz ta’minoti 1086 ta (jami arizalarning 10,1 foizi);
- elektr ta’minoti sohasiga 980 ta (jami arizalarning 9,1 foizi);
- kommunal xizmat ko‘rsatish sohasiga 244 ta (jami arizalarning 2,3 foizi);
- suv ta’minoti sohasiga 373 ta (jami arizalarning 3,5 foizi);
- xizmat ko‘rsatish (servis) sohasiga 357 ta (jami arizalarning 3,3 foizi);
- transport sohasiga 180 ta (jami arizalarning 2,1 foizi);
- aloqa sohasiga 349 ta (jami arizalarning 3,2 foizi);
- sog‘liqni saqlash sohasiga 231 ta (jami arizalarning 2,1 foizi) va boshqa sohalarga 1784 ta (jami arizalarning 16,6 foizi) esa boshqa sohalarga to‘g‘ri keladi.
Izoh (0)