Ўзбекистон истеъмолчилар ҳуқуқларини ҳимоя қилиш жамиятлари федерациясига 2022 йил 9 ойи давомида фуқаролардан жами 10 777 та мурожаат келиб тушган бўлиб, 34 миллиард сўмдан ортиқ маблағ истеъмолчилар фойдасига ҳал этилди. Бу ҳақда федерация матбуот хизмати «Дарё»га маълум қилди.
Мазкур ариза ва шикоятларнинг 10 087 таси, яъни 93,6 фоизи ижобий ҳал этилиши натижасида истеъмолчилар фойдасига жами 34 444 266 276 (ўттиз тўрт миллиард тўрт юз қирқ тўрт миллион икки юз олтмиш олти минг икки юз етмиш олти) сўм етказилган зарар қайта ҳисоб-китоб қилиб берилди.
Федерация ва унинг ҳудудий ижро органлари томонидан келиб тушган 72 та мурожаат асосида истеъмолчиларнинг манфаатларини кўзлаб суд органларига даъво аризалари киритилиши ва ижобий ҳал этилиши натижасида 1 989 315 487 (бир миллиард тўққиз юз саксон тўққиз миллион уч юз ўн беш минг тўрт юз саксон етти) сўм моддий ва маънавий зарарлар истеъмолчилар фойдасига қайта ҳисоб-китоб қилинди.
Истеъмолчилардан келиб тушган мурожаатларнинг катта қисми
- савдо соҳасига 4853 та (жами аризаларнинг 45 фоизи);
- табиий газ таъминоти 1086 та (жами аризаларнинг 10,1 фоизи);
- электр таъминоти соҳасига 980 та (жами аризаларнинг 9,1 фоизи);
- коммунал хизмат кўрсатиш соҳасига 244 та (жами аризаларнинг 2,3 фоизи);
- сув таъминоти соҳасига 373 та (жами аризаларнинг 3,5 фоизи);
- хизмат кўрсатиш (сервис) соҳасига 357 та (жами аризаларнинг 3,3 фоизи);
- транспорт соҳасига 180 та (жами аризаларнинг 2,1 фоизи);
- алоқа соҳасига 349 та (жами аризаларнинг 3,2 фоизи);
- соғлиқни сақлаш соҳасига 231 та (жами аризаларнинг 2,1 фоизи) ва бошқа соҳаларга 1784 та (жами аризаларнинг 16,6 фоизи) эса бошқа соҳаларга тўғри келади.
Изоҳ (0)