Sevimli aktyorlarning uchrashuvi har doim muxlislar uchun bayramdir, shuning uchun AdMe nashri bir oz nostaljini yodga olishga va o‘n yillar davomida birga ishlagan aktyorlarning hozirda qanday o‘zgarganini ko‘rsatishga qaror qildi.
“Garri Potter”
Luitsus Malfoy roli bilan mashhur bo‘lgan Jeyson Ayzeks Tom Feltonni teatrlashtirilgan spektakllaridan birida qo‘llab-quvvatlashga keldi, buni ikkala aktyor ham ijtimoiy tarmoqlarda xursandchilik bilan e’lon qilishdi. Yulduzlar rollariga shunchalik kirishib ketganki, “Garri Potter” tugaganidan keyin ham bir-birlarini “ota” va “o‘g‘il” deb chaqirishadi.
“Maxfiy materiallar”
Deyarli 30 yil oldin efirga uzatilgan “Maxfiy materiallar” serialining sobiq qahramonlari Jillian Anderson va Devid Duxovni 2021-yil aprel oyida birga suratga tushishdi. Ularga Andersonning sevimli iti Stella ham qo‘shildi, u bunday uchrashuvdan nihoyatda xursand bo‘ldi va aktrisaning so‘zlariga ko‘ra, u ham “yangi do‘st orttirdi”.
“Kelajakka qaytib”
Maykl Jey Foks (Marti Makflay) va Kristofer Lloyd (Doktor Emmet Braun) filmdagi kabi vaqt mashinasida suratga tushishdi va o‘z muxlislarini bir-ikki lahzaga bo‘lsa ham o‘tmishga olib ketishdi.
“Sabrina — kichik jodugar”
1990-yillarning kult-seriali “Sabrina — kichik jodugar” 1996-yildan 2003-yilgacha namoyish etilgan. Oxirgi epizod efirga uzatilganidan 17 yil o‘tib, 100 nafar aktyor va film ijodkorlari unutilmas oqshomni birga o‘tkazishdi.
“Tez yordam”
“Tez yordam”ning so‘nggi epizodi efirga uzatilganidan 13 yil o‘tgach, Jon Stamos o‘z sheriklarining kutilmagan tashrifidan hayratda qoldi. Aktyor serialdagi barcha rekvizitlarni saqlab qolgandi, shuning uchun sobiq hamkasblar 15 fasl suratga olingan Chikago tuman kasalxonasining qabul bo‘limi oynasi ortida birgalikda suratga tushishga muvaffaq bo‘lishdi.
“Titanik”
Keyt Uinslet, Leonardo Di Kaprio va Billi Zeyn yana uchrashgunga qadar klassik “Titanik” filmi namoyish etilganiga 20 yildan ko‘proq vaqt bo‘ldi.
“Indiana Jons”
Indiana Jons rolida Xarrison Ford va Kichkintoy laqabli bolani o‘ynagan Jonatan Ke Kvan deyarli 40 yil oldin “Indiana Jons va taqdir ibodatxonasi”da birga rol o‘ynagan. 2022-yilda yulduzlar uchrashuvning ta’sirli lahzalarini suratga olish orqali muxlislarni xursand qilishdi.
“Ayg‘oqchi”
Jennifer Garner ishtirokidagi “Ayg‘oqchi” teleseriali 2000-yillarning boshida ekranlarga chiqqan va deyarli 5 yil davom etgan. Aktrisa yashirin josus bo‘lib ishlagan kollej talabasi Sidney rolini o‘ynaydi.
Izoh (0)