Бандлик ва меҳнат муносабатлари вазирлиги масъулларининг 21 октябрь — Ўзбек тилига давлат тили мақоми берилган кунга бағишлаб ўтказилган тадбирида тадбир қатнашчиларига тожик тилидаги китоблар совға қилгани жамоатчилик муҳокамасига сабаб бўлганди. Вазирлик мазкур ҳолатга изоҳ берди.
Вазирлик матбуот хизматининг Kun.uz‘га маълум қилишича, тадбир учун китоблар сотиб олинганда уларнинг ичига тожик тилидагилари ҳам қўшилиб қолган.
Ҳозир кимларга тожик тилидаги китоблар тарқатилган бўлса, аниқлаб ўзбекча китоблар билан алмаштириб бериляпти, – деди вазирлик матбуот хизмати раҳбари Мавжуда Мирзаева.
Вазирлик ходимларининг тадбири ҳақидаги ахборотлар жамоатчиликка ошкор бўлгач, ҳолатга муносабат билдирганлар буни кулгига олган.
Вале иштирокчиларга тожик тилидаги китоблар совға қилинганига нима дейсиз? Буни Мир Алишер Навоий ҳазратлари кўрганида борми, нақд «Муҳокамат-ул луғатайн» китоби билан ташкилотчиларнинг бошларига урган бўлармиди?» — дея киноя қилган РакурсУз Telegram-канали муаллифи журналист Муслим Мирзажонов
Изоҳ (1)
Yomon joyi yug'u