Fransiya terma jamoasi JCH—2022 oldidan jiddiy yo‘qotishlarga uchradi

Fransiya terma jamoasi JCH—2022 oldidan jiddiy yo‘qotishlarga duch keldi.

Yarim himoyachi Ngolo Kante son qismidagi jarohat tufayli jarrohlik amaliyotini boshidan kechirdi. 31 yoshli futbolchining tiklanishi uchun 4 oy vaqt ketadi.

Shu tariqa Kante mundialni o‘tkazib yuboradi. Ngolo 14-avgustdan buyon maydonga tushmayapti. 2022/23-yilgi mavsum APLda 2 ta o‘yinda ishtirok etgan.

Shuningdek, “Lion” a’zosi Korenten Tolisso ham Qatardagi Jahon Chempionatida Fransiyaga yordam bera olmaydi. Yarim himoyachi Fransiya chempionatining 11-turida “Renn”ga qarshi o‘yinda jarohat oldi.

Bu haqida futbolchining o‘zi ijtimoiy tarmoqdagi sahifasida ma’lum qildi: “Afsuski, yana jarohat oldim. Qo‘limni siltamayman va chekinmayman. Bu sportning qat’iy qonuni. 100 foiz tayyor bo‘lgan holda tezroq maydonga qaytish uchun qattiq mehnat qilaman”.

28 yoshli fransuz sonidan jarohat olib, ko‘zlarida yosh bilan maydonni tark etdi. Chap sonidagi jarohat tufayli Tolisso bir necha oy maydonga tusha olmaydi.

Eslatib o‘tamiz, Qatarda bo‘lib o‘tadigan Jahon Chempionati 20-noyabrdan 18-dekabrga qadar davom etadi.