“Liverpul” va Portugaliya terma jamoasi vingeri Diogu Jota jarohati sabab JCH—2022 da ishtirok etmaydi.
Bu haqida mersisaydliklar bosh murabbiyi Yurgen Klopp ma’lum qildi.
25 yoshli futbolchi APLning 11-turidan o‘rin olgan “Manchester Siti”ga qarshi bahsda (1:0) jarohat oldi va maydondan zambil bilan olib hciqib ketildi.
Kloppning ta’kidlashicha, Jotaning “boldir mushaklari bilan jiddiy muammolari bor”, Vinger jarrohlik amaliyotiga muhtoj emas.
“Dastlabki tashxis juda aniq edi. Biz uchun juda qayg‘uli xabar. O‘yinchilarning sog‘ligi haqida qayg‘urishimiz kerak va biz doimo shunday qilamiz”, — deydi Klopp.
Eslatib o‘tamiz, Jota jarohati sababli mavsum boshini ham o‘tkazib yuborgan edi. 2022/23-yilgi mavsumda ilk bor 3-sentabr kuni APLning 6-turidan o‘rin olgan “Everton”ga qarshi bahsda maydonga tushgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)