Франция терма жамоаси ЖЧ—2022 олдидан жиддий йўқотишларга дуч келди.
Ярим ҳимоячи Нголо Канте сон қисмидаги жароҳат туфайли жарроҳлик амалиётини бошидан кечирди. 31 ёшли футболчининг тикланиши учун 4 ой вақт кетади.
Шу тариқа Канте мундиални ўтказиб юборади. Нголо 14 августдан буён майдонга тушмаяпти. 2022/23 йилги мавсум АПЛда 2 та ўйинда иштирок этган.
Шунингдек, «Лион» аъзоси Корентен Толиссо ҳам Қатардаги Жаҳон Чемпионатида Францияга ёрдам бера олмайди. Ярим ҳимоячи Франция чемпионатининг 11-турида «Ренн»га қарши ўйинда жароҳат олди.
Бу ҳақида футболчининг ўзи ижтимоий тармоқдаги саҳифасида маълум қилди: «Афсуски, яна жароҳат олдим. Қўлимни силтамайман ва чекинмайман. Бу спортнинг қатъий қонуни. 100 фоиз тайёр бўлган ҳолда тезроқ майдонга қайтиш учун қаттиқ меҳнат қиламан».
28 ёшли француз сонидан жароҳат олиб, кўзларида ёш билан майдонни тарк этди. Чап сонидаги жароҳат туфайли Толиссо бир неча ой майдонга туша олмайди.
Эслатиб ўтамиз, Қатарда бўлиб ўтадиган Жаҳон Чемпионати 20 ноябрдан 18 декабрга қадар давом этади.
Изоҳ (0)