“Urush yozga qadar 1991-yilgi chegaralargacha yetib borishimiz bilan yakunlanishi kerak” — Ukraina razvedka rahbari

Ukraina Mudofaa vazirligining Bosh razvedka boshqarmasi rahbari Kirill Budanov Rossiya va Ukraina o‘rtasidagi urushning qanday yakunlanishi haqidagi fikrlarini bildirdi, deb yozadi “Ukraina seychas”.

Budanovning so‘zlariga ko‘ra, hozirda eng og‘ir janglar Baxmut va Soledar shaharlari hududida kechmoqda. Yil oxirigacha esa Ukraina Qurolli Kuchlari yanada sezilarli yutuqlarga erishadi, xususan, Xerson borasida.

“Urush tugagandan so‘ng, hozirgi Rossiya Federatsiyasidagi o‘zgarishlar bilan bog‘liq juda jiddiy siyosiy jarayon boshlanadi: ma’lum mintaqalar Rossiyadan ajralib chiqadi. Moskva bizga tovon puli to‘laydi, hammasi ularni kutmoqda, bu Rossiya Federatsiyasining ma’lum bir iqtisodiy markazining bizning hududimizga ko‘chishiga olib keladi. Ya’ni, hali anchagina qadamlar mavjud”, — dedi Budanov.

Razvedka rahbarining qayd etishicha, urush yozgacha yakunlanishi kerak. Va bu Ukrainaning 1991-yil chegaralariga — Donbass va Qrimga yetib borishi bilan tugaydi.